Açiq mənbələrdən foto.
Bakı/27.06.23/Turan: Amsterdamda Sara Krombaxın "Miflər və milli quruculuq. Ziya Bünyadov və Azərbaycanın keçmişinin qurulması" adlı kitabı dərc olunub.
Tarixçi Sara Krombax akademik Ziya Bünyadovun Azərbaycanda tarix və şərqşünaslıq elminin inkişafına verdiyi töhfənin sosioloji təhlilini aparıb. Onun araşdırması akademikin qohumları, onun illərlə işlədiyi, daha sonra isə direktoru olduğu Şərqşünaslıq İnstitutunun əməkdaşları və Ziya Bünyadovu yaxından tanıyan bir çox digər insanlarla müsahibələrə əsaslanır. Onlar arasında Cəmil Həsənli, İsa Qəmbər, Hikmət Hacızadə və digər Azərbaycan siyasətçiləri, həmçinin Amsterdamda yeni kitabın təqdimatında iştirak edən Arif Yunus və Leyla Yunus da var idi.
"Sara Krombax Z.Bünyadov fiquru vasitəsilə Azərbaycan tarixinin sovet dövründə və müstəqillik dövründə necə dəyişdiyini, sovet dövründə və SSRİ dağıldıqdan sonra tarix elmində mövcud olan mifləri, habelə 80-90-cı illərdə ölkənin qarşılaşdığı problemləri göstərməyə çalışıb. Krombax Qarabağ münaqişəsinə, həmçinin Xalq Cəbhəsinin yaranması tarixinə və onun ölkənin müstəqilliyi uğrunda mübarizəsinə böyük diqqət yetirib. Kitab çox maraqlıdır", deyə A.Yunus nəşrlə bağlı şərh verib.
Sara Krombax tarixçi olmaqla yanaşı, həm də solo konsertlər verən peşəkar piano ifaçısıdır. İyunun 25-də təqdimat mərasimində o, öz çıxışını çox sayda musiqi əsərlərinin ifası ilə müşaiyət edib. Xüsusən, o, Fikrət Əmirovun 12 musiqi etüdünü ifa edib.
2019-cu ildə Amsterdam Universitetində bu ali məktəbin elmi işçisi olan Krombaxın Ziya Bünyadovun Azərbaycan tarixşünaslığında rolu haqqında doktorluq dissertasiyasının müdafiəsi olub. Onun bu elmi işi "Miflər və milli quruculuq. Ziya bünyadov və Azərbaycanın keçmişinin qurulması" kitabının əsasını təşkil edib. 0
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz