![Blinken Əliyevə: Laçındakı sərhəd-keçid məntəqəsi sülh səylərini əngəlləyir](https://turan.az/resized/media/2023/main/043000061652-750-500-resize.webp)
Blinken Əliyevə: Laçındakı sərhəd-keçid məntəqəsi sülh səylərini əngəlləyir
Vaşinqton/30.04.23/Turan: ABŞ dövlət katibi Entoni Blinken bazar günü Azərbaycan prezidenti İlham Əliyevlə danışıb və Azərbaycan və Ermənistan arasında sülh danışıqlarının vacibliyini vurğulayıb, eləcədə ABŞ-ın sülh sazişinə dəstəyini davam etdirəcəyini vəd edib, Turan-ın Vaşinqton müxbiri xəbər verir.
Dövlət katibi həmçinin "Azərbaycanın Laçın dəhlizində nəzarət-buraxılış məntəqəsi yaratmasının sülh prosesinə etimadın yaradılması səylərini zərbə vurmasından dərin narahatlığını ifadə edib və Laçın dəhlizinin tezliklə kommersiya və şəxsi avtomobillər üçün açılmasının vacibliyini vurğulayıb". Bu Dövlət Departamentin açıqlamasında bildirilir.
Öz növbəsində Azərbaycan prezidentinin mətbuat xidməti bildirib ki, söhbət zamanı İlham Əliyev qeyd edib ki, Azərbaycanın sülh gündəliyini dəstəkləyir. Laçında Azərbaycan-Ermənistan sərhədində sərhəd-keçid məntəqəsinin yaradılmasına gəlincə, bu, Azərbaycanın suveren hüququdur. Sərhəd məntəqəsi hərəkəti məhdudlaşdırmır, əksinə sərhəd keçidinə nəzarəti təmin edir.
Əliyev həmçinin deyib ki, Qarabağda erməni əhalinin hüquqları Azərbaycan Konstitusiyası və beynəlxalq sənədlər çərçivəsində təmin ediləcək.
Blinkenin çağırışı Vaşinqtonda Azərbaycan və Ermənistan xarici işlər nazirləri arasında mayın 1-də başlayacaq sülh danışıqları ərəfəsində səslənib. Hər iki nazir Ceyhun Bayramov və Ararat Mirzoyan artıq ABŞ paytaxtına gəliblər və dövlət katibi bazar günü axşam onlarla iş yeməyi təşkil etməyi planlaşdırır.
Turan-ın diplomatik mənbələrdən əldə etdiyi məlumata görə, danışıqların böyük hissəsi Vaşinqtondan kənarda yerləşən Milli Xarici Əlaqələr Təlim Mərkəzində baş tutacaq. Bazar ertəsi Blinken Təlim Mərkəzində nazirlərlə ayrı-ayrılıqda görüşəcək və sonra onların ikitərəfli sülh danışıqlarında iştirak edəcək. -0-
-
- Cəmiyyət
- 30 Aprel 2023 23:32
-
- Aktual Reportaj
- 1 May 2023 01:02
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz