Antony Blinken and Sergei Lavrov.
Bakı/03.04.23/Turan: Bazar günü ABŞ dövlət katibi Entoni Blinken Rusiyanın xarici işlər naziri Sergey Lavrova zəng edərək amerikalı jurnalisti dərhal azad etməyi tələb edib, Turan-ın Vaşinqton müxbiri bildirib.
ABŞ vətəndaşı, Wall Street Journal-ın reportyoru, qəzetin Moskva bürosuna ezam edilmiş Evan Gerşkoviç ötən həftə Yekaterinburqda casusluq ittihamı ilə həbs olunub.
Blinken jurnalistin saxlanmasıyla bağlı Lavrova ciddi narahatlığını bildirib, Dövlət Departamentinin məlumatında deyilir.
Bundan əlavə, "Blinken Kremli ABŞ vətəndaşı, 2018-ci ildə Moskvada qanunsuz saxlanmış və 2020-ci ildə casusluğa görə mühakimə olunmuş Pol Uilanı dərhal azad etməyə çağırıb".
"Dövlət katibi və xarici işlər naziri Lavrov diplomatik missiyaların öz işini görməsinə imkan verən şəraitin yaradılmasının vacibliyini də müzakirə ediblər", -məlumatda deyilir. 0
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz