Vaşinqton/20.09.22/Turan: ABŞ dövlət katibi Entoni Blinken çərşənbə axşamı Nyu-Yorkda Türkiyənin xarici işlər naziri Mövlud Çavuşoğlu ilə görüşüb.
“Dövlət katibi Blinken və xarici işlər naziri Çavuşoğlu Cənubi Qafqazdakı gərginliyi müzakirə ediblər. Dövlət katibi qeyd edib ki, Birləşmiş Ştatlar Azərbaycan və Ermənistan arasında dialoqun təşviqi və münaqişənin uzunmüddətli siyasi həllinə nail olunmasına kömək etmək üçün səylərini davam etdirir”, - Dövlət Departamentinin sözçüsü Ned Prays bildirib.
Prays əlavə edib ki, onlar Rusiyanın Ukraynaya təcavüzü ilə bağlı NATO koordinasiyasını da müzakirə ediblər.
Dövlət katibi Türkiyənin Ukrayna taxılının Qara dəniz vasitəsilə davamlı daşınmasını təmin etmək üçün diplomatik səylərini yüksək qiymətləndirib və BMT vasitəsilə əldə olunan razılaşmalara hörmətlə yanaşmanın və Moskvanın məsuliyyət daşımasının vacibliyini vurğulayıb, Prays bildirib. -0-
Siyasət
-
Rusiyalı müstəntiqlər, Azərbaycan Hava Yolları (AZAL) tərəfindən idarə olunan 8243 saylı reysin qəzasının raket zərbəsi nəticəsində baş verdiyini təsdiqləyiblər. Bu barədə istintaqa yaxın mənbələrin yeni məlumatlarına istinadən Azərbaycan hökumətyönlü nəşri AnewZ xəbər verir.
-
Azərbaycanın özəl yayım kanalı Baku TV çərşənbə günü efirdə “Rus Evi”ni mədəni və humanitar fəaliyyət adı altında anti-Azərbaycan casusluq fəaliyyəti ilə məşğul olmaqda ittiham edən reportaj yayımlayıb. Reportajda “etibarlı mənbələr”ə istinad edilib, lakin mənbələrin kimliyi açıqlanmayıb. İddialara görə, Rusiya mədəniyyət mərkəzi milli ziddiyyətləri qızışdırır və kəşfiyyat fəaliyyəti üçün baza rolunu oynayır.
-
Yanvarın 24-də Bakı Apellyasiya Məhkəməsində jurnalist Fərid İsmayılovun həbsindən şikayətə baxılıb.
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
Rəy yaz