Blinken və Çavuşoğlu Qarabağla Ukraynanı müzakirə ediblər

Vaşinqton/04.08.22/Turan: Cümə axşamı ABŞ dövlət katibi Entoni Blinken Türkiyənin xarici işlər naziri Mövlud Çavuşoğlu ilə telefonla Qarabağdakı vəziyyəti müzakirə edib, Turan-ın Vaşinqton müxbiri bildirib.

Blinken qeyd edib ki, ABŞ “Azərbaycan və Ermənistan arasında dialoqu asanlaşdırmaq və münaqişənin uzunmüddətli siyasi həllinə kömək etmək üçün tərəfdaşlarla və ATƏT-in Minsk Qrupu həmsədrləri vasitəsilə ikitərəfli əsasda qarşılıqlı fəaliyyət göstərməyə hazırdır”. Bu barədə Dövlət Departamentinin mətbuat katibi Ned Prays bildirib.

Blinken Türkiyənin diplomatik səylərini də yüksək qiymətləndirib, bu, Rusiyanın Ukraynaya genişmiqyaslı hücumundan sonra Qara dənizdən Ukrayna taxılının ilk partiyasının daşınmasına səbəb olub.

“Dövlət katibi Blinken və xarici işlər naziri Çavuşoğlu Rusiyanın Ukraynaya təcavüzü ilə bağlı NATO koordinasiyasının və birliyinin yaxşılaşdırılmsı yollarını müzakirə ediblər”, - Prays deyib. 0