Bakı/12.03.19/Turan: Çərşənbə günü BMT İnkişaf Proqramının rəhbərinin müavini, qurumun Avropa və MDB üzrə Regional Bürosunun direktoru Miryana Spolyariç Eqqerin Azərbaycana üçgünlük səfəri başlayır. Bu barədə BMT Azərbaycan nümayəndəliyinin məlumatında bildirilir.
Son aylar BMT İP hökumətlə birlikdə üç layihənin reallaşmasına başlayıb: əlil insanların öz bizneslərini qurmasına kömək etmək, əhalinin təcrid olunmuş qruplarının, o cümlədən müharibə əlillərinin məşğulluq imkanlarını yaxşılaşdırmaq və əhalinin vacib dərman vasitələri ilə təminatı.
Eqqer rəsmi şəxslərlə məşğulluq, ətraf mühitin mühafizəsi, qadınların hüquq və imkanlarının genişləndirilməsi, şəhərlərin dayanıqlı inkişafı sahələrində əməkdaşlıq perspektivlərini müzakirə edəcək.
O, Xəzər rayonunda Qadın Resurs Mərkəzinin açılışında iştirak edəcək və "ASAN Xidmət" mərkəzinə baş çəkəcək.
Eqqer "Yeni xarici siyasət" mövzusunda VII Qlobal Bakı Forumunda iştirak edəcək.
Qonaq həmçinin Azərbaycanda keçirilən "Kibertəhlükəsizlik həftəsi" çərçivəsində 6-cı Regional Internet İdarəçiliyi Forumunda çıxış edəcək.-06D-
Siyasət
-
Avropa İttifaqının 27 üzv dövləti Gürcüstandakı vəziyyəti, o cümlədən bu ölkə ilə vizasız rejimin ləğvi imkanını dekabrın 16-da keçiriləcək Xarici İşlər Şurasının iclasında müzakirə edəcək. Bu barədə cümə günü Aİ-nin Gürcüstandakı səfiri Pavel Hercinski məlumat verib.
-
Hüquq müdafiəçisi Rüfət Səfərov 1 saylı İstintaq Təcridxanasının personalının müttəhim Fazil Qasımova qarşı pis münasibətilə əlaqədar ombudsman Səbinə Əliyevaya müraciət edib. Bundan sonra vəziyyət yaxşılığa doğru dəyişib, əsəsən Qasımova icazə veriblər ki, mühafizəçinin nəzarəti olmadan iki saatdan çox qardaşı ilə söhbət etsin. Bu barədə Turan-a "Müdafiə xətti" hüquq-müdafiə təşkilatının rəhbəri Rüfət Səfərov bildirib.
-
Çərşənbə günü Bakı Ağır Cinayətlər Məhkəməsində birinci qrup əlil Famil Xəlilovun məhkəməsi davam edib. O, narkotik maddələrin qanunsuz dövriyyəsində ittiham olunur.
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
Rəy yaz