Açiq mənbələrdən foto.
Bakı/30.06.22/Turan: Böyük Britaniya hökuməti Ermənistan və Azərbaycanda minaların təmizlənməsini dəstəkləmək üçün 500,000 funt-sterlinq məbləğində ikinci maliyyə dəstəyi ayırır, bu barədə Böyük Britaniyanın Bakıdakı səfirliyinin məlumatında deyilir.
Bu vəsait Birləşmiş Millətlər Təşkilatının İnkişaf Proqramına (UNDP) minaların effektiv təmizlənməsində təlim və ekspert məsləhəti ilə kömək etmək imkanı verəcək. Dünyada mina və partlamamış hərbi sursatlarla ən çox çirklənmiş ərazilərdən biri olan bu regionun minalardan təmizlənməsinə Böyük Britaniyanın verdiyi dəstək indi 1 milyon funt-sterlinqdən çoxdur.
Böyük Britaniya hökuməti bu gün 30 iyun Ermənistan və Azərbaycanda minaların təmizlənməsini dəstəkləmək üçün Birləşmiş Millətlər Təşkilatının İnkişaf Proqramına (UNDP) əlavə 500,000 funt-sterlinq ayırır.
Ən son ayrılan vəsait ərazi təhlükəsizliyini təmin etmək, xəsarətlərin qarşısını almaq və insanların həyatını xilas etmək üçün mühüm təlim və mütəxəssis məsləhətlərinin təmin edilməsinə imkan yaradacaq.
Avropa və Şimali Amerika üzrə nazir Ceyms Kleverli deyib:
"Böyük Britaniyanın bu maliyyə dəstəyi BMT-nin təcrübəsindən istifadə etməyə imkan verəcək, həm Ermənistanda, həm də Azərbaycanda mülki həyat üçün riskləri azaldacaq və insanlara öz həyatlarını yenidən qurmağa imkan verəcək.
Regiondakı bütün xalqları qorumaq naminə, Böyük Britaniya Ermənistan və Azərbaycanı piyadalar əleyhinə minalar və kasetli silahların istifadəsinin aradan qaldırılmasına yönəlmiş BMT konvensiyalarını imzalamağa çağırır. Biz səlahiyyətli şəxsləri BMT və digər humanitar təşkilatların regionun bütün yerlərində sülh və inkişafın dəstəklənməsinə maksimum dərəcədə töhfə verə bilmələrini təmin etməyə çağırmaqda davam edirik".
2020-ci ildəki Dağlıq Qarabağ münaqişəsindən bəri minaların təmizlənməsi üçün Böyük Britaniyanın ayırdığı ümumi vəsait ən son vəsaitlə birgə 1 milyon funt-sterlinqdən çox təşkil edir. Bu, Böyük Britaniyanın 2020-ci ildə Beynəlxalq Qızıl Xaç Komitəsinə 1 milyon funt-sterlinqlik ianə verməsinin davamıdır.
Region dünyada mina və partlamamış hərbi sursatlarla ən çox çirklənmiş bölgələrdən biridir, deyə Səfirliyin məlumatında bildirilir. 06B
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz