Azərbaycanda Rusiyanı tənqid etmək qadağan olunur? – Xalid Ağəliyev “Çətin sual” qarşısında

Bakı/30.06.22/Turan: Rusiyanın xarici işlər naziri Serqey Lavrovun iyunun 24-də Bakıya səfəri çərçivəsində iki ölkə arasında “Azərbaycan Respublikası Hökuməti ilə Rusiya Federasiyası Hökuməti arasında beynəlxalq informasiya təhlükəsizliyinin təmin edilməsi sahəsində əməkdaşlıq haqqında Saziş” imzalanıb.

Sazişə əsasən, tərəflər təhlükəsizlik və sabitliyin qorunub saxlanılması, suverenliyə, ərazi bütövlüyünə, dövlət sərhədlərinin təhlükəsizliyinə və toxunulmazlığına qarşılıqlı hörmət, mübahisə və münaqişələrin sülh yolu ilə tənzimlənməsi, güc və güclə təhdid tətbiq etməmə, daxili işlərə qarışmama, insan hüquq və əsas azadlıqlarına hörmət və s. sahələrdə əməkdaşlıq edəcəklər.

Ekspertlər Azərbaycan mətbuatında Rusiya ilə bağlı bir sıra məhdudiyyətlərin tətbiq olunacağını istisna etmirlər.

Belə çıxır ki, bundan sonra Rusiya əleyhinə tənqidi yazılara Azərbaycanda məhdudiyyətlər tətbiq olunacaq?

Media Hüququ qrupunun rəhbəri Xalid Ağəliyev Kamran Mahmudovun təqdimatında yayımlanan “Çətin sual” verilişində bu və digər suallara cavab verir.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.fb.com/turanagency