AXCP sədri, Milli Şura KM üzvü Əli Kərimlinin beyanati
Baki/27.09.20/Turan: Azərbaycanın işğal olunmuş ərazilərində yerləşən Ermənistan silahlı qüvvələri bu gün səhər saat 6 da atəşkəs rejimini pozaraq Azərbaycanın Ağdam, Tərtər, Füzuli Cəbrayıl rayonlarının kəndlərini atəşə tutub. Nəticədə dinc əhali və hərbçilərimiz arasında itkilərimiz var. Azərbaycan ordusu əks hücuma keçib.
Başlanmış savaş azərbaycanlılar üçün vətən müharibəsi, ermənistan silahlı qüvvələri üçün isə işğalçı savaşdır. Milli Şura və AXCP olaraq bəyan edirik ki, bu savaş zamanı dövlətimizin və ordumuzun yanındayıq.
Qəhraman ordumuzun-əsgər və zabitlərimizin işğal altındakı torpaqlarımızı azad edəcəyinə inanırıq. Dualarımız əsgər və zabitlərimizlədir. Allah şəhidlərimizə rəhmət eləsin, Azərbaycanı və azərbaycanlıları qorusun! -0-
Siyasət
-
18 dekabr tarixində Azərbaycanın Baş Naziri Əli Əsədov, İqtisadi Əməkdaşlıq üzrə İnkişaf Edən 8-lər Təşkilatının (D-8) 11-ci Sammitində qonaq qismində iştirak etmək üçün işgüzar səfərlə Qahirəyə gəlib. Rəsmi olaraq 19 dekabrda başlayacaq sammit, inkişaf etməkdə olan səkkiz müsəlman ölkəsinin liderlərini bir araya gətirir: Banqladeş, Misir, İndoneziya, İran, Malayziya, Nigeriya, Pakistan və Türkiyə.
-
Vəkil Fəxrəddin Mehdiyev bu gün Bakı İstintaq təcridxanasında Toplum TV-nin hüquqi təsisçisi Ələsgər Məmmədli ilə görüşüb. Bu barədə Turana Ə.Məmmədlinin qardaşı Nəsimi Məmmədli bilsirib.
-
Nyu-Yorkda yerləşən Jurnalistləri Müdafiə Komitəsi (JMK) Azərbaycan hakimiyyətini korrupsiyaya qarşı mübarizə aparan Abzas Media nəşrinin altı əməkdaşına və ABŞ Konqresi tərəfindən maliyyələşdirilən "Azad Avropa Radiosu/Azadlıq Radiosu"nun Azərbaycan xidmətinin ştatdankənar jurnalisti Fərid Mehralızadəyə qarşı ittihamları ləğv etməyə çağırıb.
-
Azərbaycan və Ermənistan sülh müqaviləsi layihəsinin 17 maddəsindən 15-ni razılaşdırıb, bu barədə prezident İlham Əliyev çərşənbə günü ÜDTRŞ-yə və RİA-Novosti Agentliyinə müsahibəsində bildirib.
Rəy yaz