Dövlət Dumasının deputatı : Ermənistan qoşunlarını Azərbaycanın işğal olunmuş ərazilərindən çıxarmalıdır
Moskva / 27.09.20 / Turan: Rusiya-Azərbaycan parlamentlərarası qrupunun rəhbəri, Dövlət Dumasının deputatı Dmitri Savelyev Dağlıq Qarabağdakı vəziyyətin gərginləşməsi ilə əlaqədar bir açıqlama verib. Turan agentliyinə göndərilən bəyanatın mətnində deyilir:
"Rusiya Dağlıq Qarabağ münaqişəsinin sülh yolu ilə, danışıqlar yolu ilə həyata keçirilməli olduğu mövqeyində dayanıb və indi də bu mövqedədir. Ancaq hər iki tərəf danışıqlara meylli olmalıdır.
Amma və son zamanlar Ermənistanın rəsmi orqanlarının hərəkətlərinin sülh danışıqları prosesinin pozulmasına və münaqişənin böyüməsinə gətirib çıxaracağıni müşahidə edirdik. Nəticə çox ğözlətmədi. Danışıqlar pozuldu. Dağlıq Qarabağla sərhəddə genişmiqyaslı hərbi əməliyyatlar başladı.
Fikrimcə, münaqişəyə son qoymağın yeganə yolu Ermənistan tərəfindən heç bir şərt qoyulmadan işğal altındakı torpaqlardan bütün hərbi qüvvələrin çıxarılması və sülh prosesinə başlanmasıdır - qaçqınların Dağlıq Qarabağ torpağına qaytarılması və bu ərazinin Azərbaycan daxilində taleyini təyin edəcək bir referendum keçirilməsi. Heç kimin qan tökülməsinə, Qafqaz bölgəsindəki gərginliyə ehtiyac yoxdur. Münaqişənin sülh yolu ilə həllinə nail olmaq üçün beynəlxalq hüquq çərçivəsində görülən tədbirlər, şübhəsiz ki, həm Rusiya, həm də bütün dünya birliyi tərəfindən dəstəklənəcəkdir”. -0-
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz