Casusluqda ittiham olunan Ermənistan vətəndaşlarının məhkəməsi başlayıb

Bakı/14.07.21/Turan: Bakı Ağır Cinayətlər Məhkəməsində Ermənistanın iki vətəndaşı David Davtyan və Gevorq Sucyanın işi üzrə hazırlıq iclası keçirilib.

Onlar dövlət hesabına tərcüməçi və vəkillərlə təmin ediliblər.

Onlar Azərbaycan Cinayət Məcəlləsinin 228 (qanunsuz silah saxlama), 276 (casusluq), 279-cu (qanunvericiliklə nəzərdə tutulmayan silahlı birləşmələrin və ya qrupların yaradılması) və 318-cü (dövlət sərhəddini qanunsuz keçməs) maddələrində nəzərdə tutulmuş hərəkətlərdə təqsirli bilinirlər.

Mahiyyəti üzrə dinləmələr iyulun 26-na təyin edilib.

Ermənistan KİV-in məlumatına görə, Sucyan jurnalistdir.

2020-ci ilin noyabrında o, bir dostu ilə birlikdə İstisuda (Azərbaycanın Kəlbəcər rayonu) video çəkib və Facebook-da paylaşıb.

Bu videoda o, azərbaycanlıların ünvanına küçə söyüşləri söyüb. Onun səhifəsindən bu videonu 6000-dən çox istifadəçi paylaşıb.

Bir müddət sonra, noyabrın 11-də Ermənistan KİV-i Sucyan və Davtyanın yoxa çıxdığını bildirib. –06D-