Bakı/06.07.21/Turan: Ermənistan KİV-lərinin məlumatına görə, Azərbaycanda casusluqda ittiham olunan Qeorq Sucyan blogerdir.
2020-ci ilin noyabrında o, dostu ilə birlikdə İstisuda (Azərbaycanın Kəlbəcər rayonu) video çəkib və kadrları Facebook-da paylaşıb.
Bu videoda o, azərbaycanlıların ünvanına söyüş söyüb. Onun səhifəsindən 6000-dən çox istifadəçi bu videonu paylaşıb.
Bir müddət sonra, noyabrın 11-də Ermənistan KİV-ləri Sucyanın dostu David Davtyanla birlikdə yoxa çıxdığı barədə məlumat yayıb. Onlarla 4 gündür əlaqə saxlamağın mümkün olmadığı bildirilirdi.
Sucyanın Ermənistan vətəndaşı və “Yeni Vətən Ermənistan” diaspor təşkilatının rəhbəri olduğu iddia olunur.
Ermənistanda onun “humanitar məqsədlərlə” Azərbaycana getdiyi və əsir olduğu bildirilir.
Ermənistanın ombudsman aparatının məlumatına görə, onlar hərbi əməliyyatlar başa çatdıqdan sonra Laçın-Şuşa yolunda saxlanılıblar.
Azərbaycanda adı çəkilən şəxslərə qarşı Cinayət Məcəlləsinin 276-cı (casusluq) maddəsi ilə ittiham irəli sürülüb. İş materialları Bakı Ağır Cinayətlər Məhkəməsinə göndərilib.
Hazırlıq iclası iyulun 14-də hakim Əli Məmmədovun sədrliyi ilə keçiriləcək. -02D-
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz