Fevralın 26-da əslən Cənubi Azərbaycandan (Şimali İran) olan bir qrup şəxs Vaşinqtonda İranın keçmiş səfirliyinin, hazırda Tehranın maraqlarını təmsil edən ofisin qarşısında aksiya keçirib.
Etirazçılar İranda azərbaycanlı fəalların siyasi motivlərlə həbsindən narahatlıqlarını bildiriblər.
Turan-ın Vaşinqton müxbirinin məlumatına görə, aksiya iştirakçıları Azərbaycan dilinə status verilməsini, İranın azərbaycanlı əhalisinin mədəni hüquqlarının təminatını tələb ediblər.
Etirazçıların sözlərinə görə, son həftələr Doğma Dil Günü bayramı ərəfəsində İranda 100-dən çox adam həbs olunub. Saxlanılanlardan çoxuna indiyədək ittiham irəli sürülməyib.
Aksiya iştirakçıları “Cənubi Azərbaycan İran deyil!”, “35 mln. azərbaycanlıya məhəl qoymadığınız yetər!”, “Siyasi məhbuslar azad edilsin!” şüarlarını səsləndiriblər.
“Biz öz doğma dilimizdə danışmaq istəyirik, uşaqlarımızı bu dildə oxutmaq, onlarla öz dilimizdə ünsiyyətdə olmaq istəyirik, fars dilində yox”, - aksiya iştirakçısı Vida Doşabçı bildirib.
Digər fəal Alparslan Çehrəqanlı Turan-ın müxbirinə deyib ki, İran əhalisinin demək olar ki, yarısını azərbaycanlılar təşkil edir. Lakin bizim əsas hüquqlarımız yoxdur, heç bəzi azlıqların malik olduğu qədər hüququmuz yoxdur”.
Aksiya iştirakçıları öz bəyanatlarını oxuyublar və İranın maraqlarını təmsil edən ofisin nümayəndəsinə təqdim ediblər. Onlar həbs olunanlarını dərhal azadlığa buraxılmasını tələb ediblər. -25В-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz