TANAP kəməri ətrafında nə baş verir?

Türkiyə hökumətində TANAP qaz kəməri layihəsində dövlətin payının bir hissəsinin satılması baxılır. BOTAS layihədə 20% paya malikdir, onun hansı hissəsinin özəlləşəcəyi bilinmir, deyə Trend agentliyi məlumat verir.  

Doğrudanmı Türkiyə dövlət şirkəti BOTAS TANAP layihəsindən çıxmaq və ya payının bir hissəsini satmaq istəyir?

Ondan başlayaq ki, xəbəri yayan agentlik hökumətyönlüdür və nadir hallarda anonim və məlumatlı mənbələrə istinad edir. Burdan çıxış etsək, Azərbaycanın marağında olan layihə ilə bağlı informasiya çətin ki, agentliyin məlumatına daxil olardı.

İkincisi, 2013-cü ilin dekabrından türkiyəli vəzifəlilər bildirirdi ki, Ankara TANAP-da Türkiyənin payını 20%-dən 30%-ə artırmaq istəyir. Azərbaycan buna müsbət reaksiya verirdi. Fevralın əvvəlinə kimi belə oldu.

Bəs nədən Türkiyənin fikri 180 dərəcə dəyişdi?

Əvvəla, layihənin qiyməti bahalanmalı idi. Amma son məlumata görə, layihə qiyməti hələ $12 mlrd-dır. Dünya KİV-də ötən noyabrdan məlumat verilmir.

İkincisi, Türkiyənin Во-вторых, TANAP layihəsinin kommersiya cəlbediciliyinə böyük şübhəsi yarana bilərdi. Amma bu barədə heç bir bəyanat olmayıb.

Onda nədən Türkiyənin dövlət şirkətləri kəmərdən uzaqlaşır?  

Əslində nə baş verir?

Turan aydınlaşdırıb ki, dünən Türkiyənin energetika naziri Taner Yıldız gözlənilməz bəyanat verib. O deyib ki, TANAP milliləşdirilir. Məlumatı Anadolu Agency yayıb. Yıldız bu barədə Ankarada energetika forumunda bəyan edib.

Yıldızın sözlərinə görə, TANAP-ın milliləşdirilməsi hökumətə 24 fevralda təklif olunub. Nazir TANAP haqda daha heç nə deməyib.

Forumda ВР-nin Azərbaycan, Gürcüstan və Türkiyə üzrə rəhbəri Qordon Birrel də iştirak edib. O, öz çıxışında Cənub qaz dəhlizinin vacibliyindən danışıb, onun regionun enerji mənzərəsini dəyişəcəyini deyib.     

Türkiyə TANAP-ı niyə milliləşdirir?

Bu məsələdə rəsmi Ankaranın mövqeyi aydın deyil. Axı layihədə Türkiyə tərəfini dövlət şirkəti təmsil edir? Doğrudanmı, Türkiyəyə Azərbaycan qazının Avropaya nəqlində əlavə rıçaq lazımdır?  

Ehtimal ki, Ankara ilə Avropa arasında siyasi problemlər var və Ərdoğan hökuməti Cənub qaz dəhlizindən kart kimi istifadə etmək istəyir.     

* Uzunluğu 1790 km olan TANAP kəməri "Şahdəniz-2" layihəsi çərçivəsində çıxarılacaq qazın Yunanıstan sərhədinə kimi nəqlini nəzərdə tutur.İlkin buraxılış qabiliyyəti ildə 16 mlrd m3, artırılma imkanı 31 mlrd m3-dir. --0--