Bakı/21.04.21/Turan: Mövcud dəlil açıq şəkildə Vrbetitse sursat anbarındakı partlayışların arxasında Rusiya kəşfiyyat zabitlərinin dayandığını göstərir. Bu, yalnız günahsız Çexiya vətəndaşlarının həyatını itirməsinə, ümumi təhdidə və böyük maddi ziyana səbəb olan ciddi bir cinayət deyil, eyni zamanda Çexiya suverenliyinin və beynəlxalq hüququn açıq şəkildə pozulmasıdır. Bunu Çexiya Respublikasının Xarici İşlər Nazirliyi Çexiya-Rusiya münasibətlərindəki cari hadisələrə dair yaydığı bəyanatda vuruğlayır.
Bəyantda deilir ki, Çexiya Respublikasının bu düşmən davranışına müvafiq cavab verməkdən başqa seçimi yox idi. Buna görə Baş Nazirin Birinci Müavini və Daxili İşlər Naziri Yan Hamaçek, Xarici İşlər Naziri vəzifəsini icra edən vəzifəsində, yüksək səviyyəli konstitusional rəsmiləri ilə sıx koordinasiyada, Çexiya Respublikasının XKX və BKİ agentləri olaraq müəyyən edilmiş Rusiyanın Praqadakı Səfirliyinin heyət üzvlərini xaric etməyə qərar verdi. O, həmçinin işin mahiyyəti barədə Aİ və NATO-dakı müttəfiqlərimizə də məlumat verdi. Çexiya Respublikası tərəfdaşlarından və müttəfiqlərindən alınan bütün həmrəylik ifadələrini yüksək qiymətləndirir. Əlavə mümkün koordinasiyalı yanaşma barədə danışıqlar davam edir.
Eyni zamanda Çexiya Respublikası Xarici İşlər Nazirliyi, Rusiyanın Çexiya Respublikasının Moskvadakı Səfirliyinə qarşı atdığı addımlara qətiyyətlə qarşı çıxır. Vrbetitse hadisələrinin kontekstini nəzərə alaraq, bu addımları Səfirliyin fəaliyyətini qəsdən iflic etməyə yönəlmiş tamamilə qeyri-adekvat və qeyri-mütənasib hesab edir. Çexiya Respublikasının Xarici İşlər Nazirliyi, Rusiya Federasiyasının Çexiya Respublikasına qarşı fəaliyyətinin ciddiliyinə cavab olaraq əlavə addımlar atmaq hüququnu özündə saxlayır.—0—
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz