Bakı/26.05.21/Turan: Mayın 23-dən 26-dək Çexiya Səhiyyə nazirinin müavini Radek Politsar Azərbaycanda səfərdə olub.
9 Çex şirkətinin təmsilçilərindən ibarət nümayəndə heyətinin səfəri Çexiya Səfirliyi, ÇexTreyd-in (CzechTrade) Bakıdakı ofisi və Tibbi Cihaz İstehsalçıları və Təchizatçıları Birliyi tərəfindən təşkil edilib.
Çexiyanın Azərbaycandakı Səfirliynin məlumatına görə, nazir müavini Politsar ilə səhiyyə naziri vəzifəsini icra edən Teymur Musayev, İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev və Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı daxil olmaqla Azərbaycan rəsmiləri arasında işgüzar görüşlər keçirlib.
“Semaşko” sistemindən “Bismark” icbari tibbi sığortaya keçid və daha dərin ikitərəfli əməkdaşlığın digər mümkün sahələrində çex təcrübəsinin mübadiləsinə həsr olunmuş bu rəsmi görüşlərə əlavə olaraq nazir müavini Politsar mayın 25-də ÇexTreyd-in Bakıdakı ofisi tərəfindən təşkil edilən Çex-Azərbaycan Tibbi Biznes Forumunun açılışında iştirak edib.
“Çex tibbi avadanlıqlarından artıq Azərbaycanda geniş istifadə olunmasına baxmayaraq, 23-26 may tarixlərində Azərbaycan klinikalarının nümayəndələri ilə rəsmi və işgüzar görüşlər nümayəndə heyətində iştirak edən Çex şirkətlərinin məhsul və xidmətlərinin daha da tanıdılmasına kömək edib”, - deyə səfirlik qeyd edir. -03-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz