Formula-1 yarışları ilə əlaqədar paytaxtda 23 avtobusun marşrut istiqaməti dəyişdiriləcək

Bakı/26.05.21/Turan: Mayın 31-dən başlayaraq Bakıda 23 avtobus marşrutunun hərəkət istiqaməti müvəqqəti dəyişdiriləcək. Buna səbəb Bakıda keçiriləcək Formula-1 Azərbaycan Qran Pri yarışlarıdır. Bu barədə Bakı Nəqliyyat Agentliyi xəbər verir.

İctimai reklamlarda göstərilir ki, Qran-Pri yarışının keçiriləcəyi “Bakı halqası” boyu küçələrdə, həmçinin paytaxtın mərkəzi küçələrində avtomobillərin hərəkəti iyunun 8-dək məhdudlaşdırılacaq.  

Məlumata görə, qismən və tam bağlanacaq yollara görə sxemi dəyişdirilmiş həmin marşrut xətləri aşağıdakılardır:

- 1, 2, 4, 10, 46 və M3 nömrəli marşrutlar üzrə avtobuslar alternativ olaraq Dilarə Əliyeva küçəsi, Kövkəb Səfərəliyeva küçəsi, Nizami küçəsi, Neftçilər prospekti - Y.Səfərov küçəsi ilə;

- 5 nömrəli marşrut üzrə avtobusların son dayanacaq məntəqəsi Süleyman Rəhimov küçəsində olmaqla hərəkəti Azadlıq prospekti, Süleyman Rəhimov küçəsi, Xətai prospekti ilə;

- 6 nömrəli marşrut üzrə avtobusların fəaliyyəti 2 istiqamət üzrə yəni 20-ci Sahə - Mikayıl Useynov küçəsi (Funikulyor) və Axundov bağı – Azadlıq prospekti metro stansiyası istiqamətində;

- 88, M7 nömrəli marşrutlar üzrə avtobusların son dayanacaq məntəqəsi 28 May metrostansiyası yaxınlığında olmaqla hərəkəti 28 May metro stansiyası - Puşkin küçəsi – Dilarə Əliyeva küçəsi ilə;

- 6, 18, 31, 37 və 77 nömrəli marşrutlar üzrə avtobusların son dayanacaq məntəqəsi Bünyad Sərdarov küçəsi olmaqla Şeyx Şamil küçəsi, Lermоntov küçəsi, Bünyad Sərdarov küçəsi ilə;

- 53, 125 və 127 nömrəli marşrutlar üzrə avtobusların son dayanacaq məntəqəsi Mikayıl Useynov küçəsi (Funikulyor);

- 59 və 61 nömrəli marşrut avtobuslarının hərəkəti Səməd Vurğun küçəsi – Şəmsi Bədəlbəyli küçəsi – Rəşid Behbudov küçəsi ilə;

- 65 nömrəli marşrut üzrə avtobusların hərəkəti Murtuza Muxtarov küçəsi, - Əhməd Cavad küçəsi, - Azərbaycan prospekti ilə;

- 205 nömrəli marşrut avtobuslarının hərəkəti Lökbatan Nəqliyyat Mübadilə Mərkəzi – Bakı Dairəvi Avtomobil yolu – Mikayıl Müşfiq küçəsi. Daha sonra öz xətti ilə hərəkətini davam etdirəcək;

- M2 və M2A nömrəli ekspres marşrutlar üzrə avtobusların hərəkəti Neftçilər prospektindən çıxarılaraq Mirzəağa Əliyev, Şəmsi Bədəlbəyli və Rəşid Behbudov küçələri ilə təşkil ediləcək. -0-