Martın 3-də Çexiyanın sənaye və ticarət naziri Yan Mladek Bakıya rəsmi səfərə gəlir.
Çexiyanın Azərbaycandakı səfirliyindən Turan-a verilən məlumata görə, Azərbaycanın iqtisadiyyat naziri Şahin Mustafayevlə və digər hökumət üzvləri ilə danışıqlar zamanı iqtisadi əməkdaşlığın gələcək inkişafı məsələləri müzakirə olunacaq.
2014-cü ildə iki ölkə arasında ticarət dövriyyəsi 1,5 mlrd. avro təşkil edib ki, bu da 2013-cü ildə olduğundan 23% çoxdur.
Çexiya Azərbaycandan əsasən neft alır və sənaye avadanlığı və istehlak malları ixrac edir.
Son 10 il ərzində Çexiya bankları Azərbaycana 1,5 mlrd. dollar borc verib.
Rəsmi səfər çərçivəsində biznes forum təşkil ediləcək. Forumda Çexiyanın 32 şikəti və bankı iştirak edəcək. Tədbir Azərbaycanın İqtisadiyyat və Sənaye Nazirliyi tərəfindən yaradılmış İxracın və İnvestisiyaların Təşviqi Fondu (AZPROMO) tərəfindən təşkil edilib.
Çexiya tərəfindən təşkilatçı MDB ölkələri ilə İqtisadi Əlaqələr Palatasıdır. -02D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz