president.az
Çexiyanın xarici işlər naziri Bakıda ikitərəfli əməkdaşlığın genişləndirilməsi məsələlərini müzakirə edib
Bakı/30.09.21/Turan: Bakıda rəsmi səfərdə olan Çexiyanın xarici işlər naziri Yakub Kulxanek cümə axşamı prezident İlham Əliyev ilə görüşüb. Görüşdə energetika, ticarət, investisiya, nəqliyyat sahələrində əməkdaşlığın genişləndirilməsi məsələlərinə toxunulub. Həmçinin Avropa İttifaqı ilə Azərbaycan arasında münasibətlər müzakirə olunub.
Bu məsələlərin müzakirəsi iki ölkə nümayəndə heyətlərinin Azərbaycan Xarici İşlər Nazirliyində görüşündə davam edib.
Görüşün sonunda keçirilən brifinqdə Azərbaycanın xarici işlər naziri Ceyhun Bayramov deyib ki, azad edilmiş ərazilərin bərpası istiqamətində iki ölkə arasında əməkdaşlıq üçün böyük potensial var. Bu məqsədlə Çexiya investisiyalarının və şirkətlərinin cəlb edilməsi istiqamətində danışıqlar aparılır.
İkitərəfli əməkdaşlığın mühüm hissəsi energetikadır, Azərbaycan Çexiyanın tələbatının 30 faizini təmin edir. Həmçinin Çexiya tərəfi Ələt azad iqtisadi zonasında layihələrdə iştirakda maraqlıdır.
Öz növbəsində, çexiyalı nazir Ermənistanla Azərbaycan arasında sülh müqaviləsinin bağlanmasına çağırıb ki, bu, bütün regionda sabitliyin və inkişafın təminatına imkan verəcək. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz