Ceyhun Bayramov: “Azərbaycan azad edilmiş ərazilərə missiya göndərilməsini YUNESKO ilə razılaşdırır”

Bakı/11.11.21/Turan: Azərbaycan müharibədən sonra bərpa prosesində YUNESKO ilə əməkdaşlığa hazırdır və azad edilmiş ərazilərə texniki missiyanın göndərilməsi üçün fəal dialoq aparır. Bu barədə Azərbaycanın xarici işlər Ceyhun Bayramov noyabrın 10-da Parisdə YUNESKO Baş Konfransının 41-ci sessiyasındakı çıxışında bildirib.

Onun sözlərinə görə, "missiyanın effektivliyini və müstəqilliyini təmin edəcək bir sıra mürəkkəb texniki, hüquqi və siyasi məsələlər" artıq razılaşdırılıb.

"Azərbaycan dəfələrlə YUNESKO-ya Ermənistanın bu kobud pozuntuları barədə xəbərdarlıq edib, işğal olunmuş ərazilərə texniki missiyanın göndərilməsi məsələsini qaldırıb. Amma Ermənistan buna mane olub ki, bu da YUNESKO-nun 2005-ci ildəki hesabatında öz əksini tapıb", - Xarici İşlər Nazirliyinin mətbuat xidməti nazirdən sitat gətirib.

O həmçinin qeyd edib ki, Ermənistan minalanmlş ərazilərin xəritələrini verməkdən imtina edir və bununla da qaçqınların azad edilmiş ərazilərə qayıtmasına əngəl törədir. -02D-