Bakı/01.05.23/Turan: Cəbrayıl rayonunun Cocuq Mərcanlı kəndində (Bakıdan 335 km cənub-qərbdə) mina partlamada dinc sakin ölüb.
ANAMA (Azərbaycan Ərazilərinin Minalardan Təmizlənməsi Milli Agentliyi) və Daxili İşlər Nazirliyinin birgə məlumatına görə, Füzuli rayonunun Qazaxlar kənd sakini, heyvandarlıqla məşğul olan 1964-cü il təvəllüdlü Alışov Oktay Bayram oğlu at belində təmizlənməmiş əraziyə keçib və tank əleyhinə minaya düşüb.
2020-ci il noyabrın 10-da Qarabağda hərbi əməliyyatlar dayandırıldıqdan sonra Ermənistan Silahlı Qüvvələrinin yerləşdirdiyi minaların partlaması nəticəsində 299 hərbçi və mülki Azərbaycan sakini yaralanıb, o cümlədən 55 nəfər ölüb, 244 nəfər müxtəlif dərəcəli bədən xəsarətləri alıb. -03B96-
Siyasət
-
Milli Məclis bazar ertəsi payız sessiyası çərçivəsində plenar iclas keçirir. İclasda 2025-ci il dövlət büdcəsi haqqında qanun layihəsi və mövcud qanunvericiliyə təklif edilən dəyişikliklər müzakirə olunur.
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
Rəy yaz