Dağlıq-Qarabağ münaqişəsi: BQXK tərəfləri mülki şəxsləri fərqləndirməyə çağırır
Cenevrə (BQXK) – Beynəlxalq Qızıl Xaç Komitəsi (BQXK) təmas xətti boyunca 27 sentyabr 2020-ci il səhər saatlarında başlamış gərginləşmənin humanitar nəticələri barədə narahatdır. Hər iki tərəfdən itkilərin arasında mülkilərin də olduğu bildirilir.
BQXK tərəfləri, beynəlxalq humanitar hüququn ən başlıca qaydaları barədə öhdəliklərinə riayət etməklə mülki şəxslərin həyatlarını və mülki infrastruktur obyektlərini qorumaq üçün bütün mümkün tədbirləri görməyə çağırır.
BQXK-nın regional direktoru Martin Şopp qeyd edir ki: “Biz, bu gərginləşmə nəticəsində təsirə məruz qalan şəxslərə dəstək göstərməyə və neytral vasitəçilik rolumuzu yerinə yetirməyə hazır olduğumuzu bir daha bildiririk. Biz tərəfləri beynəlxalq humanitar hüququn prinsiplərinə hər bir halda tam riayət etməyə çağırırıq.”
BQXK regionda Dağlıq Qarabağ münaqişəsi ilə əlaqədar 1992-ci ildən fəaliyyət göstərir. BQXK, Bakı və Yerevandakı nümayəndəlikləri və Dağlıq Qarabağdakı missiyasının vasitəsilə təmas xətti və Ermənistan-Azərbaycan beynəlxalq sərhədi boyunca yerləşən icmalara dəstək göstərir. Bundan əlavə, itkin düşmüş şəxslərin talelərini aydınlaşdırmaq və onların ailələrinə kömək etmək üçün çalışır, azadlıqdan məhrum edilmiş şəxslərə baş çəkir, azad edilmiş şəxslərin repatriasiyası əməliyyatlarına şərait yaratmaq üçün neytral vasitəçi qismində çıxış edir.-0-
Siyasət
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
Rəy yaz