Demokratiya sammitindən sonra ABŞ və müttəfiqləri "Fəaliyyət ili"nə başlayırlar

Vaşinqton/11.12.21/Turan: ABŞ administrasiyası cümə günü başa çatmış demokratiya uğrunda virtual sammiti "uğurlu və ruhlandırıcı"  hesab edir", - TURAN-ın Vaşinqton müxbiri bildirib.

"Bu tədbir göstərdi ki, demokratik aləm hər yerdə var ", - prezident Co Bayden sammitin yekun iclasında öz çıxışında deyib və ABŞ-da və xaricdə demokratiyanı gücləndirəcəyini vəd edib.

O deyib ki, avtokratiya "bütün dünyada insanların qəlbində alovlanan azadlıq atəşini söndürməyəcək” və əlavə edib ki, demokratiyanın müdafiəsi "bütün cəmiyyətlərdən səy tələb edir”.

Sırada nə var?

ABŞ dövlət katibinin müavini Uzr Zeyanın sözlərinə görə, "gələn həftə Fəaliyyət ili" başlayır, bu, cari həftədə deyilənləri həyata keçirmək üçün imkanıdır".

"2022-ci il intensiv iş ili olacaq. Biz sammitdə götürülən öhdəliklərin yerinə yetirilməsi üçün hökumətlər, vətəndaş cəmiyyəti, özəl sektor və xeyriyyə birliklərindən əlaqədar şəxslərlə tərəfdaşlıq şəraitində işləyəcəyik", - o, telekonfrans zamanı bildirib.

Vaşinqton bu il iştirak etməyən, amma “sammitin məqsədlərinə nail olunmasına  sadiq qalan”  hökumətləri və vətəndaş cəmiyyətini "alqışlayır".

"Fəaliyyət ili"ndə islahatlara dəstəyin artırılması və iki nömrəli sammitin birgə planlaşdırılması üçün sammit iştirakçıları arasında məqsədyönlü dialoq aparılacaq.

"Bu, əməkdaşlıq, yaradıcılıq, həmçinin avtoritar rejimlərin buna yol verməməklə bağlı səylərindən asılı olmayaraq, demokratların dünya vətəndaşlarını dəstəkləyə biləcəyinə əminlik tələb edəcək ", - o vurğulayıb. - 25B-