Demokratiya və Rifah Hərəkatı hakimiyyəti Tofiq Yaqublunu azad etməyə çağırıb

Баку/24.03.20/Turan: Azərbaycan Demokratiya və Rifah Hərəkatı Demokratik Qüvvələrin Milli Şurasının üzvü Tofiq Yaqublunun xuliqanlıq ittihamı ilə həbs edilməsinə görə hakimiyyəti qınayıb.

Bəyanatda prezident İlham Əliyevin xalqa müraciətində müxalifəti təhdid etməsindən bir neçə gün sonra baş verən bu həbsin “təsadüfən” olmadığına işarə edilir. Bu çıxış hakimiyyətin bəyan etdiyi “islahatların” və müxalifət ilə “dialoq təşəbbüsünün” mahiyyəti üzə çıxardı.

Sivil ölkələrdə bütün bütün səylər qlobal pandemiya ilə mübarizəyə yönəldildiyi halda Azərbaycan hakimiyyəti Tofiq Yaqublunu həbs edərək müxalifətlə haqq-hesab çəkmək niyyətini nümayiş etdirir. Əgər bir çox ölkələrdə məhbuslar pandemiya ilə əlaqədar həbsxanalardan azad olunursa, Azərbaycanda hakimiyyət “müxalifət ovuna çıxır”.

Demokratiya və Rifah Hərəkatı T.Yaqublunun səhhətilə bağlı narahatlığını ifadə edir. Belə ki, koronavirus pandemiyası fonunda onun həyatına təhlükə yarana bilər. Qurum uydurma cinayət işinə son qoyulmasını və onun dərhal azad edilməsini tələb edir.

Demokratiya və Rifah Hərəkatı 2015-ci ildə yaradılıb. Təşkilatın sədri iqtisadçı ekspert Qubad İbadoğludur.06D-