Bakı/07.02.20/Turan: 28 saylı Sabunçu 3-cü seçki dairəsindən deputatlığa namizəd Zemfira Hüseynova və MSK-da bütün ölkə üzrə müşahidəçi kimi qeydiyyatdan keçmiş hüquq müdafiəçisi Elşən Həsənov Nardaran qəsəbəsinə girişdə maneələrlə üzləşiblər.
"Bizi polis saxladı və Nardarana buraxmır. Onlar harasa məruzə edirlər. Biz hər dəfə - seçicilərdən imza toplayarkən, təşviqat materialları yayarkən də belə maneələrlə qarşılaşmışıq. Sabah seçkiqabağı təşviqat başa çatır. Buna görə plakatlarımın vaxtından əvvəl stendlərdən yığışdırılıb-yığışdırılmadığını yoxlamaq qərarına gəldim", deyə Hüseynova Turan agentliyinə bildirib.
Həsənov öz növbəsində bildirib ki, bütün ölkə üzrə müşahidəçi statusuna malikdir və istənilən dairə və məntəqəyə maneəsiz gedə bilər.
Sonradan onlar hamısı qəsəbəyə buraxılıblar.
"40 dəqiqə sonra bizi qəsəbəyə buraxıblar. Bu zaman maşınımızı diqqətlə yoxlayıblar və sonra qəsəbədə biz seçki dairələrinə gedərkən ağ "cip" bizi izləyib", deyə Həsənov bildirib.
O, polisin əməllərini qanunsuz adlandırıb və bu əməllərdən şikayət verəcəyini bildirib.
Nardarana giriş məhdudiyyətləri 2015-ci il noyabrın 26-da qəsəbədə "Müsəlman Birliyi" hərəkatının liderlərinin saxlanılması məqsədilə keçirilən xüsusi əməliyyatdan sonra tətbiq edilib. –06B-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz