Humanitarian aid is being unloaded from Azerbaijan.
Dnepr şəhərinə Bakıdan 20 tonluq yardım daxil olub
Bakı/11.05.22/Turan: Ukraynanın Dnepr şəhərinə Azərbaycandan 20 ton humanitar yardım daxil olub. Bakıdan uzun müddət saxlanıla bilən zəruri məhsullar və dərmanlar göndərilib. Yardım həddindən artıq ehtiyacı olanlara - köçkünlərə və müdafiəçilərə paylanır, bu barədə Dnepr şəhər saytı gorod.dp.ua məlumat yayıb.
"Azərbaycan səfirliyinə və xalqına bu yardım üçün səmimi qəlbdən təşəkkür edirik. Burada dənli bitkilər, konservlər, yağ, un və tez xarab olmayan bir çox digər məhsullar var. Bundan başqa, səfirlik bizə tibbi ləvazimatlar göndərib", deyə "Ölkəni Müdafiə Fondu"nun rəhbəri Natalya Kostyuçenko qeyd edib.
Dnepr şəhərinin icra başçısı Boris Filatov da yardım üçün təşəkkür edib. O, əlavə edib ki, böyük Azərbaycan icmasının yaşadığı bir şəhər olaraq Dnepr bu dəstəyi heç vaxt unutmayacaq.
Azərbaycan fevralın 27-də və martın 12-də Ukraynaya, aprelin 15-də isə Moldovaya Ukraynalı qaçqınlar üçün ümumilikdə 23,2 milyon manat dəyərində 550 tona yaxın humanitar yardım göndərib. Bakıdan Kiyevə 170 tondan çox çəkisi olan sonuncu yardım yükü aprelin 21-də göndərilib. Bu yükə 3,37 mln. manatlıq dərman və tibbi ləvazimatlar, həmçinin 1 mln. manatlıq ərzaq məhsulları daxil idi.
Ukraynada müharibə ərzində Bakı Ukraynaya təxminən 15 mln. avro dəyərində 760 ton humanitar yardım göndərib. -0-
-
- Maliyyə
- 11 May 2022 14:27
-
- İqtisadiyyat
- 11 May 2022 14:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz