Dövlət Departamenti: ABŞ öz müttəfiqlərinin müdafiə qabiliyyətini artırmasını dəstəkləyəcək

Vaşinqton/22.08.20/ Turan: Tramp administrasiyası bu həftə bildirib ki, iyulda müttəfiqlərə və tərəfdaşlara 32 mird. dollarlıq silah satışından sonra da ABŞ öz müttəfiqlərinin müdafiə qabiliyyətini artırmasını dəstəkləməyə hazırdır.

“Biz beynəlxalq tərəfdaşlarımız ilə  təhlükəsizlik məsələləri üzrə birgə işləməyə hazırıq”, - dövlət katibinin köməkçisi Klark Kuper cümə günü Vaşinqtonda bildirib.

İyul “bütün tarix boyu müdafiə ticarətində gəlirlilik baxımından ikinci ay oldu”, - Kuper qeyd edib. 2020-ci ildə tərəfdaşlara silah satışının prioriteti aviasiya və hərbi- dəniz sahəsi olub.

Turan-ın “Vaşinqton bu yaxınlarda Azərbaycanla Ermənistan arasında eskalasiyanı nəzərə alaraq Cənubi Qafqazda silah satmağı planlaşdırırmı?” sualının cavabında Kuper işarə edib ki, Vaşinqtonun təklif etməyə çox şeyi var və ABŞ-ın xaricdəki səfirlikləri “qəbul edən tərəfin hazırlığını öyrənirlər”. Bu mövzuda müzakirələr Vaşinqtondakı tərəfdaşlarla da aparılır.

Kuper işarə edib ki, söhbət yalnız silahlardan getmir, həm də kibertəhlükəsizlikdən gedir, hər şeydən öncə Rusiya və Çinin təsirindən qorunmaq üçün.

“Ölkələrin öz milli təhlükəsizlik maraqlarına uyğun olaraq etdiklərinə əlavə olaraq onlara verə biləcəyimiz bir çox münasib şeylər var”, - o məsələnin detallarına varmaqdan imtina edərək deyib. -25B