Dövlət Departamenti: �Azərbaycanda 10 jurnalistdən 9-na edilən fiziki hücum cəzasız qalır�

Bakı/03.11.17/Turan: "Dünya boyu jurnalistlər bütün cəmiyyətlərdə insanların həyatına təsir göstərən məsələləri işıqlandırmaq naminə şəxsi risklərə gedirlər", deyə Dövlət Departamentinin sözçüsü Heather Nauert Jurnalistlərə Qarşı Cəzasızlığa Son Qoymaq Uğrunda Beynəlxalq Gün münasibətilə yaydığı bəyanatda deyib. "Onlar səlahiyyətdən sui-istifadə, korrupsiya hallarına işıq saçır, transmilli kriminal qruplaşmalardan qaynaqlanan təhlükələri ifşa edir, dezinformasiya və saxta hekayələr yayan təbliğatın qarşısını alırlar.

Bir sıra ölkələrdən nümunələr gətirən Nauert Azərbaycan, Rusiya, Türkiyə, İraq, və Suriyanı sadalayıb.

"Azərbaycanda 10 jurnalistdən 9-na edilən fiziki hücum cəzasız qalır", deyə Nauert bildirib.

O qeyd edib ki, müstəqil jurnalistlərin səyləri dünya boyu demokratiyanı dəstəkləməkdən əlavə, Amerika daxilində də demokratiyanın sağlam olmasına vasitəçilik edir.

"Rusiyada jurnalistlərin qətli istiqamətində cavabdehliyə doğru irəliləyiş baş vermir. Türkiyədə jurnalistlərə və müstəqil media institutlarına hücumların müəllifləri minimum cəzalar alırlar. Bu cəzasızlıq müstəqil medianın hədəf alınmasında ədliyyə qanadından istifadə fonunda baş verir", deyə Dövlət Departamentinin sözçüsü bildirib.

Bəyanatda qeyd olunur ki, beynəlxalq ictimaiyyət media peşəkarlarına qarşı cinayətlərdə cəzasızlığa son qoymaq üçün birgə hərəkət etməlidir. Nauert ABŞ-ın "xaricdə azad, peşəkar müstəqil mətbuata sədaqətini yenilədiyini" deyib. -03D-