Bakı/14.05.21/Turan: Azərbaycan Dövlət Sərhəd Xidməti Turan agentliyinin sualına cavab verərək Laçın rayonunda Ermənistan sərhəddinin yaxınlığında baş verən hadisələrə müəyyən aydınlıq gətirib.
Azərbaycan Dövlət Sərhəd Xidmətindən bildiriblər ki, sərhəddə Azərbaycanın hüdudlarının möhkəmləndirilməsilə bağlı işlər aparılır. Sərhəddin təhlükəsizliyini təmin etmək üçün xüsusi infrastruktur yaradılır. Erməni tərəfin narazılığı ilə əlaqədar iki ölkənin sərhədçiləri arasında danışıqlar aparılır.
Dövlət Sərhəd Xidməti Azərbaycan Xarici İşlər Nazirliyinin dünənki bəyanatı ilə tanış olmağı məsləhət görür, çünki Dövlət Sərhəd Xidmətinin məlumatı Xarici İşlər Nazirliyinin mövqeyindən fərqlənmir.
Dövlət Sərhəd Xidmətinin əməkdaşı Azərbaycanla Ermənistan arasında dövlət sərhəddinin xətti konkret hansı xəritələrlə müəyyən edilir sualına aydınlıq gətirərək deyib ki, Xarici İşlər Nazirliyinin bəyanatından fərqli, əlavə məlumat yöxdur.
"Əgər əlavə məlumat vermək barədə göstəriş alsaq, onu bildirəcəyik",- mətbuat xidmətinin əməkdaşı deyib.
13 may saat 22:00-da Azərbaycan Xarici İşlər Nazirliyi bildirib ki, hava şəraiti yaxşılaşdıqdan sonra ölkə sərhədçiləri Azərbaycanın qanuni sərhəddinə çıxaraq Laçın və Kəlbəcər rayonlarında adi rejimdə öz işlərini görürlər.
Əlavə edək ki, sərhəddin möhkəmləndirilməsi Laçın rayonunda dağ zirvəsində Qaragöl yaxınlığında baş verir.
Azərbaycan Xarici İşlər Nazirliyi Ermənistandakı siyasi gərginliyi seçkiqabağı proseslərlə izah edib. Ermənistan siyasətçiləri Azərbaycan sərhədçilərinin 9 (10) noyabr 2020-ci il tarixli üçtərəfli sazişin müvafiq bəndlərinə uyğun olaraq adi rejimdə həyata keçirdikləri hərəkətlərdən öz daxili siyasi məqsədləri üçün istifadə etməyə çalışırlar, Azərbaycan Xarici İşlər Nazirliyinin bəyanatında deyilir .—0—
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz