![Açiq mənbələrdən foto.](https://turan.az/resized/media/2023/main/022400058821-750-500-resize.webp)
Açiq mənbələrdən foto.
Dövlət Təhlükəsizliyi Xidməti İŞİD-in "mühasibi"nin və onun qardaşının həbs olunduğunu bildirib
Bakı/24.02.23/Turan: Dövlət Təhlükəsizliyi Xidmətinin əməliyyat-istintaq tədbirləri zamanı Azərbaycan vətəndaşı Mircavad Seyidağa oğlu Salahov İŞİD terror təşkilatına bağlılıqda şübhəli bilinərək saxlanılıb.
İstintaq müəyyən edib ki, Mircavad Salahov qardaşı Mircəlal tərəfindən İŞİD terror təşkilatına cəlb edilib, Dövlət Təhlükəsizliyi Xidmətinin fevralın 24-də yaydığı məlumatda deyilir.
Saxlanılan şəxs Azərbaycan Cinayət Məcəlləsinin 214-1-ci (terrorçuluğu maliyyələşdirmə) və 283-1.3-cü (ölkə hüdudlarından kənarda silahlı münaqişələrdə iştirak etmə) maddələrilə ittiham irəli sürülüb.
Onun qardaşı Mircəlal Salahov isə Cinayət Məcəlləsinin 281-1.1 və 283-1.3-cü maddərilə (ölkə hüdudlarından kənarda silahlı münaqişələrə cəlb etmə və belə silahlı münaqişələrdə iştirak etmə) ittiham olunub. Hər ikisi həbs edilib.
Əldə edilən məlumata görə, Mircavad Salahov Suriyanın Rakka şəhərində İŞİD sıralarına qoşulub və xüsusi yaraqlılar düşərgəsində təlim keçib.
Daha sonra ona mühasib funksiyasını yerinə yetirmək tapşırılıb və döyüşlərdə iştirak edən İŞİD üzvlərinə, onların ailələrinə, habelə döyüşlərdə yaralanan və ölən təşkilat üzvlərinin ailələrinə aylıq pul və ərzaq verməklə məşğul olub.
İstintaq-əməliyyat tədbirləri davam edir, Dövlət Təhlükəsizliyi Xidmətinin məlumatında deyilir. 0
-
- Maliyyə
- 24 Fevral 2023 10:40
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz