Açiq mənbələrdən foto.
Bakı/17.05.22/Turan: Dövlət Miqrasiya Xidməti ölkədə müvəqqəti yaşama icazəsi əldə etmək üçün qanunla nəzərdə tutulan əsası olmayan, həmçinin mövcud vəziyyətə görə ölkələrinə qayıda bilməyən Ukrayna vətəndaşlarının müvəqqəti olma müddəti (ölkəyə daxil olduqdan sonra 90 gün) bitdikdən sonra ölkədə olmalarının qanuni hesab edilməsi üçün müvafiq tədbirlər görür. Bu barədə DMX-nin mətbuat xidmətinin rəhbəri Elnur Kələntərov Turan Agentliyinin Ukrayna vətəndaşlarının Azərbaycanda qalması qaydaları və onların ölkədə olması müddətinin uzadılması ilə bağlı suallarına cavabda bildirib.
Azərbaycan Respublikasına daxil olan və olduğu yer üzrə qeydiyyatdan keçməyən Ukrayna vətəndaşları şəxsiyyətini təsdiq edən sənədlərlə Dövlət Miqrasiya Xidmətinin Bakıda və bölgələrdə fəaliyyət göstərən vətəndaşların qəbulu və müraciətlərinə baxılması şöbələrinə və ya ASAN Xidmət Mərkəzlərindəki Miqrasiya pəncərələrinə yaxınlaşa bilərlər. Həmçinin, elektron qaydada Dövlət Miqrasiya Xidmətinin rəsmi saytının elektron xidmətləri, elektron hökumət portalı və elektron poçt (qeydiyyat@migration.gov.az ) vasitəsilə və ya MİGAZ mobil tətbiqi vasitəsilə də qeydiyyatdan keçə bilərlər. Əlavə məlumat üçün Dövlət Miqrasiya Xidmətinin 7/24 fəaliyyət göstərən (012 919) Çağrı Mərkəzinə müraciət edə bilərlər.
DMX-yə vaxtında müraciət olunmamasına görə cəza tətbiq edilməsi mümkünlüyü haqqında suala Kələntərov belə cavab verib: ümumən miqrasiya qanunvericiliyinin pozulması hallarında işin bütün halları, o cümlədən, pozuntunun şəxsin iradəsindən asılı olub-olmaması araşdırılır. Ukrayna vətəndaşlarına münasibətdə isə bir qayda olaraq mövcud şərait nəzərə alınır. Bununla yanaşı, Ukrayna vətəndaşlarının ölkədə olma və yaşamalarının leqallaşdırılması üçün müvafiq qaydada müraciət etmələri tövsiyə edilir.
DMX rəhbəri Qanunsuz miqrantların saxlanılması mərkəzlərində 10-dan az əcnəbi vətəndaş olduğu barədə məlumat vermişdi. Kələntərov onlar arasında Ukrayna vətəndaşı olmadığını bildirib. -0-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz