Döyüşlər bitdi, tərəflər itkiləri açıqlayır (yenilənib)

Bakı/17.11.21/Turan: Çərşənbə günü Azərbaycan Müdafiə Nazirliyi noyabrın 16-da Ermənistanla sərhəddə toqquşmalar zamanı həlak olan 7 hərbçinin siyahısını açıqlayıb.

Daha 10 nəfər yaralanıb.

Həlak olanlar:

- leytenant Umud Oruc oğlu Niftəliyev;

- gizir Orxan Hətəm oğlu Cabbarov;

- çavuş Əliyev Natiq Yusif oglu;

- əsgər Elçin Mərifət oğlu Ağayev;

- əsgər Elmin Samir oğlu Əlizadə;

- əsgər Elçin Ramil oğlu Əliyev;

- əsgər Murad Qalib oğlu Xəlilov.

Azərbaycan - Ermənistan sərhədində vəziyyət noyabrın 16-ı axşamdan sabitləşib, mətbuat üçün məlumatda deyilir.

Əməliyyat şəraiti Azərbaycan bölmələrinin nəzarəti altındadır.

Ermənistanın hərbi-siyasi rəhbərliyi gərginliyə görə tam məsuliyyət daşıyır, məlumatda bildirilir.-06D-

*   *   *

2021 Noyabr 17 (Çərşənbə) 11:24:11

Ermənilərin itkiləri: 24 itkin, 13 əsir, 1 ölü (yenilənib)

Bakı/17.11.21/Turan: Dünənki döyüşlər zamanı Ermənistanın itkilərin 13 əsir, bir ölü və 24 nəfər itkindən ibarətdir . Bu barədə çərşənbə günü Ermənistan Müdafiə Nazirliyi məlumat yayıb.

Hərbi qurumda etiraf ediblər ki, ermənilər Laçın və Sünik sərhədində iki hakim mövqe itiriblər.

Noyabrın 16 - da günün ikinci yarısında erməni deputat Eduard Ağacanyan “Svoboda” radiosuna bildirib ki, ermənilər arasında 15 nəfər həlak olub, lakin sonradan onun sözləri təkzib edilib.

Azərbaycan tərəfi itkilərlə bağlı yeni məlumat verməyib. Noyabrın 16-da iki yaralı haqda danışılıb.

Erməni tərəfinin açıqladığı videogörüntülərdən bəlli olur ki, erməni əsgərlər azərbaycanlı əsgərlərin hərəkətlərini təlaşla izləyir və geri çəkilirlər. -02B-