Bakı/18.11.18/Turan: Noyabrın 17-də Demokratik Qüvvələrin Milli Şurası (DQMŞ) tərəfdarlarının Şəhidlər Xiyabanına ziyarətinə polis müdaxiləsi nəinki qanunsuzdur, həm də mənəviyyatsız addımdır. Şəhidlərin məzarını ziyarət hansısa dövlət orqanının icazəsi ilə ola bilməz. Korrupsiyaya uğramış hakimiyyətdən başqa bir şey gözləmək mümkün deyil. Bu barədə DQMŞ lideri Cəmil Həsənli bugünkü mətbuat konfransında Milli Dirçəliş Günü münasibətilə Şəhidlər Xiyabanına gedən müxalifət liderlərinin kütləvi saxlanması ilə bağlı bildirib.
Onun sözlərinə görə, polisin hərəkəti ölkənin siyasi rəhbərliyi və şəxsən prezident İlham Əliyev tərəfindən razılaşdırılıb.
C.Həsənli xatırladıb ki, saxlanılanlar arasında o və AXCP lideri Əli Kərimli də olub.
Onlar vəkillərin iştirakı olmadan izahatnamə yazmaqdan imtina ediblər.
C.Həsənlini saat 23.00-a yaxın buraxıblar.
Ə.Kərimli və digər 7 nəfər hələ buraxılmayıb.
C.Həsənlinin sözlərinə görə, DQMŞ Ə.Kərimlini və digər saxlanılanları bütün qanuni vasitələrlə müdafiə edəcək.
Hazırda Ə.Kərimliyə qarşı inzibati hüquq pozuntusu - toplaşma keçirilməsi qaydalarının pozulması irəli sürülüb.
Bu ittihamla o, xəbərdarlıq və ya cərimədən sonra buraxıla bilər və ya 2 ayadək həbs edilə bilər.
C.Həsənli hesab edir ki, hakimiyyət çoxdan Ə.Kərimlinin həbsi üçün təxribat hazırlayıb.
Belə ki, hələ 2015-ci ildə Nardaran hadisələrilə ilə bağlı həbs olunanlardan Ə.Kərimliyə və DQMŞ-yə qarşı ifadə alıblar. Bundan əlavə, 2016-cı ildə Türkiyədə çevriliş cəhdi baş tutmayandan sonra hakimiyyət AXCP və Ə.Kərimlini Fətullah Gülən ilə əlaqələndirməyə cəhd edib. Sonra AXCP sədrinin müavini Gözəl Bayramlı və jurnalist Əfqan Muxtarlı həbs edilib. Bu ilin mayında AXCP-nin qanunsuz maliyyələşdirilməsi il bağlı yeni iş başlayıb, C.Həsənli bildirib.
Əgər Ə.Kərimli həbs olunarsa, DQMŞ bütün qanuni vasitələrlə onun azadlığa buraxılmasına nail olacaq, o cümlədən sosial şəbəkələrdə və İnternetdə kampaniyaya başlayacaq.
C.Həsənli deyib ki, bu gün saat 15:00-a yaxın Ə.Kərimli vəkil ilə görüşməliydi. Ya bu gün, ya da bazar ertəsi Ə.Kərimli məhkəmə qarşısına çıxacaq.-06D--
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz