Bakı/10.04.20/Turan: Demokratik Qüvvələrin Milli Şurası (DQMŞ) bəyanat yayaraq hakimiyyəti müxalifətə qarşı yeni repressiya dalğasına başlamaqda ittiham edib.
“Azərbaycan hökuməti mart ayında müxalifətə qarşı başlatdığı yeni repressiyanı gücləndirməkdə davam edir”, - bəyanatda deyilir.
Bildirilir ki, aprelin 8-də AXCP sədrinin köməkçisi və mühafizəçisi Faiq Əmirli və Ruslan Əmirli 30 sutka inzibati həbsə məhkum edilib. R.Əmirov bu il dördüncü dəfədir ki, həbs olunur.
Bu həbslər NİDA vətəndaş hərəkatının liderlərindən biri, keçmiş siyasi məhbus İlkin Rüstəmzadəyə və ailəsinə qarşı təxribatlarla üst-üstə düşüb. Belə ki, İ.Rüstəmzadə və həyat yoldaşı saxta səhifələrdən təhqir olunub, fəalın atası polisə aparılıb, kirayədə qaldığı ev isə polis nəzarətinə götürülüb.
Aprelin 6 və 7-də Demokratiya və Rifah Hərəkatının funksionerləri Şakir Məmmədov və Vəfadar Əliyev 15 və 30 gün müddətinə həbs ediliblər.
Aprelin 8-də polis ictimai fəal Vüsal Başaratovu evdən aparıb. Bu, sərxoş polisin vətəndaşları saxlaması barədə videoyazını paylaşmasından bir gün sonra baş verib.
DQMŞ Azərbaycan hökumətinin böhran şəraitində belə repressiv siyasətdən əl çəkməməsindən təəssüfləndiyini bildirib.
Hələ martın əvvəlində hakimiyyət 10 nəfər müxalifət fəalını, o cümlədən DQMŞ Koordinasiya Mərkəzinin üzvü və keçmiş siyasi məhbus Tofiq Yaqublunu repressiyaya məruz qoyub. Beləliklə, mart ayından 16 nəfər bu repressiv siyasətin qurbanı olub.
Milli Şura hakimiyyətdən bu antixalq və antibəşəri addımları dərhal dayandırmağı, saxta ittihamlarla həbs olunanları azadlığa buraxmağı, müxalifətçilərə, ictimai fəallara qarşı təqib-təzyiqləri dayandırmağı tələb edir.
Hökumət anlamalıdır ki, öz tənqidçilərini, ölkədəki həqiqətlər barədə danışanları həbs etmək, təhdidlə susdurmağa çalışmaq mövcud böhranı aradan qaldırmır, əksinə ictimai-siyasi gərginliyi artırır, xalqın dövlətə inamını sarsıdır.
Milli Şura həmçinin Azərbaycan xalqını və dünya ictimaiyyətini hökumətin bu antixalq və antibəşəri əməlini daha pisləməyə, bu siyasətin durdurulması üçün güclü etiraz kampaniyası təşkil etməyə çağırır.—06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz