DTİ: Seçkilər azad, şəffaf və demokratik olmayıb

Bakı/11.02.20/Turan: Demokratik Təşəbbüslər İnstitutu (DTİ) 9 fevral parlament seçkilərinin nəticələri ilə bağlı ilkin rəyini açıqlayıb.

Səsvermə günü seçki məntəqələrində çoxsaylı qanun pozuntuları, xüsusən də bir şəxsin bir neçə dəfə səs verməsi, topa bülletenlərdən istifadə halları, seçki dairəsi üzrə seçici kimi qeydiyyatı olmayan şəxslərin kütləvi səsverməyə cəlbi qeydə alınıb.

Səslərin sayılması və protokollaşması prosesi ciddi pozuntularla aparılıb, bununla da səsvermənin qanuni nəticələri şübhə altına düşüb.

Seçki günü secici fəallığı barədə rəsmi məlumatlar ciddi şübhə doğurub və əksər seçki məntəqlərində seçici fəallığı süni olaraq şişirdilib.

Kampaniya zamanı siyasi azadlıqların məhdudlaşdırılması və seçki günü pozuntular nəzərə alınaraq, 9 fevral parlament seçkiləri “azad, şəffaf və demokratik” deyildi, - hesabatda bildirilir.

Dövlət orqanları eçkinin azad, ədalətli və demokratik kecirilməsini təmin etmək üçün siyasi iradə numayiş etdirməyib bu seçkilər Azərbaycan xalqının həqiqi iradəsini ifadə etmir.

DTİ seçkilər zamanı pozuntularla bağlı şikayətlərin dərhal araşdırılmasına, fəallara qarşı repressiyalara son qoyulmasına, siyasi məhbusların azad edilməsinə, fundamental azadlıqların təmin olunmasına, seçki komissiyalarının müxtəlif siyasi qüvvələrin iştirakı ilə paritet əsaslarla yaradılmasına və Seçki Məcəlləsinin ATƏT /DTİHB və Avropa Şurası Venesiya Komissiyasının təklifləri əsasında yenilənməsinə çağırır.–06D-