DTİ: Telekanallarda hakimiyyətin xeyrinə olan informasiya üstünlük təşkil edir

Bakı/24.01.20/Turan:  Demokratik Təşəbbüslər İnstitutu (DTİ) 9 fevral parlament seçkiləri ilə bağlı seçki kampaniyasının ilk mərhələsində medianın monitorinqinin nəticələrinə dair hesabat dərc edib.

Hesabatda 11 dekabr 2019-cu ildən 16 yanvar 2020-ci ilədək (seçki kampaniyası başlamadan öncə) monitorinqi əksini tapıb.

Araşdırma obyektləri AzTV, İTV və “Real” TV, “AzərTAC” Dövlət İnformasiya Agentliyi (www.azertag.az), rəsmi “Azərbaycan” qəzeti, “Report”, “Turan” informasiya agentlikləri, “Meydan TV” İnternet-nəşr, müxalifəyönlü “Azadlıq” qəzeti olub.

Televiziya kanallarında monitorinq 37 gün ərzində hər gün 4 saat “prime-time”ı (saat 19.00-dan 23.00-a qədər) əhatə edib.  Hakimiyyətin xeyrinə informasiyanın mütləq üstünlük təşkil etməsi, hökuməti tənqid edən materialların və müxalifət haqqında müsbət informasiyanın olmaması aşkar edilib.

Həmçinin medianın obyektivlik, tərəfsizlik, qərəzsizlik, plüralizm kimi universal prinsiplərinə əməl olunmaması aşkar edilib.

Monitorinqlər müəyyən edib ki, telekanallar demokratik cəmiyyətdə yayımçıların həyata keçirdikləri funksiyalardan uzaqdır.

Etik prinsiplərə riayət edən resurslar arasında “Turan” agentliyi və “Meydan” TV-nin adları çəkilir.

Dövlət KİV-ləri – “Azərbaycan” qəzeti və “AzərTAC” agentliyi hakimiyyətin xeyrinə çox sayda material dərc edib, lakin müxalifətə qarşı materiallar da az olub.

Hesabatın tam mətni.—06D-