Vilyam Hacıyev. Açiq məmbələrdən foto.
Bakı/07.05.20/Turan: Dövlət Təhlükəsizlik Xidməti (DTX) mayın 7-də İmişli rayonunun keçmiş icra başçısı Vilyam Hacıyevin həbsinin səbəbləri barədə rəsmi məlumat yayıb.
Hacıyevin saxlanılması üzrə xüsusi əməliyyat mayın 5-də İmişli rayonuna ayrılmış dövlət vəsaitinin mənimsənilməsi, rüşvət alınması, vəzifə səlahiyyətlərindən sui-istifadə haqqında məlumatlar əsasında həyata keçirilib.
Hacıyevin xidmət kabinetində və mənzilində axtarışlar zamanı onun İcra Hakimiyyətinin baş mühasibi Cəmil Musayev və digər şəxslər vasitəsilə rüşvət aldığı haqqında dəlillər aşkar edilib.
Videokadrlardan göründüyü qədər, rayon icra başçısının mənzilində 3 mln. dollar və yarım milyon avro aşkar edilib.
İstintaqda həmçinin Hacıyevin ictimai işlərə cəlb edilmiş şəxslərin əmək haqlarını mənimsəməsi, dövlət mənzillərini vətəndaşlara satması haqqında məlumatlar var.
Bununla yanaşı, istintaqda Hacıyevin tabeliyində olan şəxslərdən, başqa dövlət orqanlarından və sahibkarlardan pul tələb etməsi haqqında məlumat olub.
Hacıyev cinayət işi üzrə təqsirləndirilən şəxs qismində cəlb edilib və həbs edilib. -06В-
* * *
2020 May 07 (Cümə axşamı) 13:03:16
Vilyam Hacıyev barəsində həbs qətimkan tədbiri seçilib (YENİLƏNİB)
Mayın 6-da İmişli Rayon İcra Hakimiyyətin sabiq başçısı Vilyam Hacıyev barəsində 4 aylıq həbs qətimkan tədbiri seçilib.
Bu barədə qərar Səbail Rayon Məhkəməsində Dövlət Təhlükəsizlik Xidmətin təqdimatına baxılaraq qəbul edilib.
Hacıyevə qarşı Cinayət Məcəlləsinin 308-ci (vəzifə səlahiyyətlərini aşma), 179-cu (mənimsəmə) və 311-ci (rüşvət alma) maddələri üzrə ittiham irəli sürülüb.-0-
* * *
2020 May 06 (Çərşənbə) 22:38:04
İmişli icra başçısının həbsi dolayısı ilə təsdiqlənib
Баку/06.05.20/Turan: Mayın 6-da ölkə prezidenti Vilyam Hacıyevin İmişli Rayon İcra Hakimiyyətinin başçısı vəzifəsindən azad edilməsi barədə sərəncam imzalayıb.
Səbəb göstərilmir, lakin bir gün öncə Dövlət Təhlükəsizliyi Xidməti rayonda əməliyyat keçirərək bir neçə məmuru həbs edib. Qeyri-rəsmi məlumatlara görə, rayon icra başçısı da korrupsiyaya görə həbs olunub.
Dövlət Təhlükəsizliyi Xidməti indiyədək əməliyyatın yekunlarını şərh etməyib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz