Dunja Mijatovic
Dunya Miyatoviç Laçın dəhlizindən sərbəst keçidi bərpa etməyə çağırıb
Strasburq/28.08.23/Turan: "Mən 2022-ci ilin dekabrında Laçın dəhizindən keçən yol bağlandıqdan sonra Dağlıq Qarabağda humanitar vəziyyətdən və insan hüquqlarının vəziyyətindən əvvəlki kimi ciddi şəkildə narahatam. Bu yoldan sərbəst keçidi bərpa etmək üçün o zaman etdiyim çağırışı təkrar edirəm", bu barədə bu gün Avropa Şurasının insan hüquqları üzrə komissarı Dunya Miyatoviç bildirib.
"Mənim və bir çox digər maraqlı beynəlxalq tərəflərin çağırışlarına baxmayaraq, bu bölgədə humanitar vəziyyət və insan hüquqları ilə bağlı vəziyyət daha da pisləşib, insanların hərəkətində və ərzaq və təcili tibbi yardımdan istifadə imkanlarında uzunmüddətli fasilə ilə əlaqədar əhalinin daha həssas təbəqələrinə təsir edib.
Laçın dəhlizində fəaliyyət göstərən, hazırda yeganə beynəlxalq humanitar təşkilat olan Beynəlxalq Qızıl Xaç Komitəsi (BQXK) əhalinin həyati əhəmiyyətə malik dərmanlar və ilkin tələbat mallarının çatışmazlığı ilə qarşılaşdığını bildirib.
Müvafiq maraqlı tərəflər yerli əhalinin üzləşdiyi çox təhlükəli vəziyyətin daha da pisləşməsinə yol verməmək üçün dərhal həll yolu tapmalı və humanitar yardım göstərənlərin və insan hüquqlarının müdafiəsini təmin edənlərin təhlükəsiz və sərbəst keçidinə zəmanət verməlidir. Mənim 2021-ci il tarixli Memorandumumda qeyd edildiyi kimi, Ermənistan və Azərbaycan barışıq yolunda irəliləmək və bütün insanlar üçün möhkəm sülhü təmin etmək üçün səy göstərməlidir.
İnsan hüquqları sahəsində mövcud problemlərin aradan qaldırılmasına kömək etmək üçün bütün müvafiq həmsöhbətlərlə əməkdaşlıq etməyə və Dağlıq Qarabağa getməyə hazır olduğumu təsdiq edirəm", deyə Miyatoviçin adından yayılmış bəyanatda bildirilir. 02D
Siyasət
-
Azərbaycan prezidenti İlham Əliyev İranın şimalında İran prezidenti İbrahim Rəisinin, xarici işlər naziri Hüseyn Əmir Abdullahiyanın və digər müşayiət edən şəxslərin helikopter qəzasında faciəli surətdə həlak olması ilə əlaqədar İranın ali dini lideri Əli Xameneiyə başsağlığı verib.
-
Ayətullah Seyid İbrahim Rəisi və İran İslam Respublikasının 8-ci Prezidenti –bazar günü, mayın 19-u axşamüstü Qız Qalası bəndinin açılış mərasimindən Təbriz şəhərinə qayıdarkən Şərqi Azərbaycan əyalətinin Vərziqan bölgəsində hava qəzası keçirib– onu müşayən edən nümayəndə heyəti ilə birlikdə yüksək şəhidlik məqamına nail olmuşdur.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
Rəy yaz