Açiq mənbələrdən foto.
Ədliyyə Nazirliyi Azərbaycan Demokratiya və Rifah Partiyasının qeydiyyat barədə müraciətinə məhəl qoymur
Bakı/11.02.22/Turan: Azərbaycan Demokratiya və Rifah Partiyası dövlət qeydiyyatı ilə bağlı müraciətinə Ədliyyə Nazirliyindən cavab almayıb, halbuki, sənədləri nazirliyə təqdim etməsindən üç ay keçir. Bunu partiyanın rəhbəri Qubad İbadoğlu bildirib.
Onun sözlərinə görə, partiyanın 1500 imza ilə təsis sənədləri 11 noyabr 2021-ci ildə Ədliyyə Nazirliyinə təqdim olunub.
Siyasi partiyalar haqqında qanuna uyğun olaraq, qeydiyyat haqqında müraciətə 40 gün ərzində baxılmalı və qərar qəbul edilməlidir.
“Bütün müddətlərin bitməsinə baxmayaraq, Ədliyyə Nazirliyi cavab vermir, halbuki, qanuna görə, qeydiyyat haqqında şəhadətnamə verilməlidir", - İbadoğlu bildirib.
Müəyyən edilmiş müddətdə qeydiyyatdan imtina ilə bağlı cavab olmadıqda partiya qeydiyyata alınmış sayılır.
*Azərbaycan Demokratiya və Rifah Partiyasının təsis qurultayı 7 oktyabr 2021-ci ildə keçirilib. Partiya 2015-ci ilin fevralında yaradılmış eyniadlı hərəkatın bazasında yaradılıb. -05D-
Siyasət
-
Milli Məclis bazar ertəsi payız sessiyası çərçivəsində plenar iclas keçirir. İclasda 2025-ci il dövlət büdcəsi haqqında qanun layihəsi və mövcud qanunvericiliyə təklif edilən dəyişikliklər müzakirə olunur.
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
Rəy yaz