Ədliyyə Nazirliyi Tural Abbaslının partiyasını qeydiyyata alıb

Bakı/04.09.23/Turan: Ədliyyə Nazirliyi Ag Partiyanı  qeydiyyata alıb. Bu barədə Turan-a onun sədri Tural Abbaslı bildirib.

Onun sözlərinə görə, sentyabrın 4-də Ədliyyə Nazirliyindən rəsmi məktub daxil olub ki, "Siyasi partiyalar haqqında" yeni qanuna uyğun olaraq partiya qeydiyyata alınıb.

Abbaslının sözlərinə görə, Ağ Partiya  təşkilatın 10 min üzvünün reyestr məlumatlarını Ədliyyə Nazirliyinə təqdim edib və ikinci cəhddə qeydiyyata alınıb.

Əvvəllər Abbaslı Müsavat Partiyasının üzvü olub və dəfələrlə həbsə məruz qalıb. Ancaq son illərdə özünü ənənəvi müxalifətdən ayırıb və daha çox sosial məsələlərə yönəlib.

Partiyaların yenidən qeydiyyatı bu ilin yanvarında qüvvəyə minmiş “Siyasi partiyalar haqqında” yeni qanunun tələblərinə uyğun həyata keçirilir. Qanun partiyalarda ən azı 5 min üzvün olmasını tələb edir. Reyestr məlumatları Ədliyyə Nazirliyinə təqdim edilməlidir.

Bundan öncə ancaq  hakim Yeni Azərbaycan Partiyası qeydiyyata alınıb.

Ədliyyə Nazirliyi aparıcı müxalifət partiyaları Azərbaycan Xalq Cəbhəsi, Müsavat və Real-a mənfi cavab verib və sənədlərdəki nöqsanları aradan qaldıraraq onları yenidən təqdim etməyi təklif edib.

Partiyalar haqqında qanun müxalifətin tənqidinə səbəb olub və Avropa Şurası Venesiya Komissiyasının mənfi ekspert rəyini alıb. 06B