Bakı/09.01.17/Turan: 70 nəfər Azərbaycan hərbiçisindən ibarət qrup "Qətiyyətli dəstək" missiyasının tərkibində xidmət etmək üçün bu gün rotasiya qaydasında Əfqanıstana göndərilib. Əfqanıstanda Azərbaycan kontingentinin ümumi sayı 94 nəfərdən 120 nəfərə çatdırılıb.
"Bu ölkədə sabitliyin və təhlükəsizliyin təmin edilməsinin əhəmiyyətini nəzərə alaraq, NATO üzv ölkələrə və Alyansın tərəfdaşı olan ölkələrə Əfqanıstanda "Qətiyyətli dəstək" missiyasında qüvvələrin sayının artırılması ilə bağlı müraciət edib. Azərbaycan Respublikasının prezidenti, Silahlı Qüvvələrin Ali Baş Komandanı İlham Əliyev 2017-ci il noyabrın 23-də Brüsseldə NATO-nun qərargah-mənzilindəki çıxışında 2018-ci ildən etibarən Azərbaycan sülhməramlılarının sayının artırılacağı barədə bəyanat verib", deyə Azərbaycan Müdafiə Nazirliyinin yanvarın 9-da yaydığı məlumatda bildirilir.
Bu məqsədlə 2017-ci il dekabrın 29-da Milli Məclis "Azərbaycan Respublikası Silahlı Qüvvələri taqımlarının Türkiyə Cümhuriyyəti Silahlı Qüvvələrinin taburu tərkibində və NATO strukturlarının ümumi komandanlığı altında Əfqanıstanda yerləşdirilməsinə və müvafiq əməliyyatlarda iştirak etməsinə razılıq verilməsi haqqında" qərara dəyişiklik edib.
Beynəlxalq sülhün və tərəfdaşların dəstəyinin təmin edilməsi məqsədilə 2018-ci ildən Azərbaycan sülhməramlılarının sayı ümumilikdə 94 hərbiçidən 120-yə qədər artırılıb, o cümlədən 6 Azərbaycan zabiti "Qətiyyətli dəstək" missiyasının müxtəlif qərargahlarında təmsil olunacaq və iki hərbi həkim bu ölkədə fəaliyyət göstərəcək.
Azərbaycanlı sülhməramlılar 2002-ci ildən Əfqanıstanda NATO əməliyyatlarında iştirak edirlər. -06D-
Siyasət
-
Dekabrın 23-də Rusiya prezidenti Vladimir Putin Azərbaycan prezidenti İlham Əliyevə doğum günü münasibətilə təbrik göndərib. Məktubda deyilir:
-
ABŞ səfirliyi bu ölkəni yenidən qeyri-diplomatik ifadələrdən istifadə edərək antiazərbaycan siyasətində ittiham edən "Həftə" proqramının müəllifinə cavab verib.
-
23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
Rəy yaz