Şuşa/13.01.22/Turan: Qarlı-şaxtalı havaya baxmayaraq, Şuşada ekoloqların aksiyası davam edir. Aksiya iştirakçıları ekosidlərə son qoyulması tələbilə Azərbaycan, ingilis və rus dillərində şüarlar səsləndirirlər, Turan-ın müxbiri hadisə yerindən bildirib.
Vaxtaşırı aksiya iştirakçıları onları qoruyan hərbçilərə və polisə dəstək şüarları səsləndirirlər. Ekoloji fəallar qeyd edirlər ki, onlar yolu bağlamırlar, separatçıların qanunsuz işlətdiyi mədənlərdən xammalın daşınmasının qarşısını alırlar. Onlar qeyd edirlər ki, hər gün Laçın yolu ilə Qırmızı Xaçın maşınları, təcili yardım maşınları, sülhməramlıların kolonları keçir.
Saat 13:00-14:00 sülhməramlıların bir minik avtomobili Xankəndi tərəfdən Laçın istiqəmətinə keçdi. Əks istiqamərdə sülhmıramlıların 11 yük maşını gedib.
Sülhməramlıların zirehli transportyorlu postu aksiyanın keçirildiyi yerdən 50-60 metr aralıda yerləşir. Fəallar bildirirlər ki, onlar aksiyanı sona qədər, tələblər yerinə yetirilənə - ekoloji monitorinq təmin olunana və mədənlərin işlənməsi dayandırılana qədər davam etdirmək əzmindədirlər.
Onlar həmçinin israr edirlər ki, gələcəkdə Laçın yolu ilə daşınan bütün yüklər Azərbaycan strukturları tərəfindən yoxlanılsın. Eyni zamanda, onlar erməni sakinlərin keçidinə mane olmayacaqlar. 06B
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz