Əli Həsənov hakimiyyətin növbədənkənar seçkilərlə bağlı məntiqini izah edib
Bakı/05.02.18/Turan: Dövlət başçısının ictimai-siyasi məsələlər üzrə köməkçisi Əli Həsənov növbədənkənar prezident seçkiləri keçirilməsinin səbəbləri haqqında açıqlama verib.
Belə ki, o, yerli KİV-ə bildirib ki, Konstitusiyanın 101-ci maddəsinə prezidentin səlahiyyət müddətinin 5 ildən 7 ilə qədər artırılması haqqında dəyişiklik edilib.
Həsənovun sözlərinə görə, dövlət başçısının səlahiyyətləri 7 ilə qədər uzadıldığına görə prezidentə növbədənkənar seçkilər keçirməklə seçicilərin etibarını yoxlamaq hüququ verilib.
Seçkilərin yarım il tez keçirilməsinin digər səbəbi kimi Həsənov bu il bir çox "mühüm tədbirlərin" keçirilməsini göstərib. Belə ki, seçkilər 2018-ci ilin oktyabrında keçirilməli idi. "Amma bu ilin mayında ölkəmizdə yerli və beynəlxalq səviyyədə çox sayda mühüm tədbirlər keçiriləcək. Onlar arasında Azərbaycan Xalq Cümhuriyyətinin yaradılmasının 100 illiyi ilə bağlı bir sıra tədbirlər, Beynəlxlaq Humanitar Forum və s. var. Həmin tədbirlərin əksəriyyəti ilin sonuna təsadüf edir və seçkilərlə üst-üstə düşür", deyə Həsənov qeyd edib.
Digər tərəfdən, onun sözlərinə görə, indiyədək Azərbaycanda bütün seçkilər payızda keçirilirdi. Bu mənada, dünyada mövcud olan təcrübəni nəzərə almaqla, müxtəlif səviyyəli seçkilərin ilin ayrı-ayrı fəsillərində, o cümlədən əvvəlində keçirilməsi daha məqsədəuyğundur, deyə Həsənov izah edib.
Bundan başqa, Azərbaycan prezidentinin 7 il müddətinə seçilməsi prezident səlahiyyətlərinin yerinə yetirilməsinə təsərrüfat ilinin əvvəlindən başlamasını təmin edir. Bu da sosial və iqtisadi sahədə qarşıda duran vəzifələrin daha effektli icrasına əlavə imkan yaradır, deyə Həsənov bildirib. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz