Rəşad Abbaslı. Açiq mənbələrdən foto.
Bakı/07.09.20/Turan: Haqq və Ədalət Partiyası (HƏP) sədrinin köməkçisi Rəşad Abbaslı polisə tabe olmamaq ittihamı ilə 30 sutka müddətinə həbs edilib.
Bu qərarı bu gün Bakının Binəqədi Rayon Məhkəməsi qəbul edib. Bu barədə Turan-a HƏP İdarə Heyətinin üzvü Babək Adıgözəlov bildirib.
Onun sözlərinə görə, partiya fəallarından ibarət qrup R.Abbaslıya dəstək üçün məhkəməyə gəlib. Onlar fəalı alqışlarla qarşılayıblar. R.Abbaslı ruh yüksəkliyini saxlayır.
B.Adıgözəlov R.Abbaslının həbsini partiyanın fəaliyyəti ilə əlaqələndirib.
R.Abbaslı ötən şənbə günü HƏP lideri Əli İnsanovla görüşə gedərkən mülki geyimli şəxslər tərəfindən saxlanılıb.
Ə.İnsanov “Amerikanın səsi”nin Azərbaycan xidmətinə müsahibəsində R.Abbaslının saxlanılmasını bu partiyanın fəallaşması ilə əlaqələndirib.
O, R.Abbaslının saxlanılma qaydasını pisləyib, bunu “insan oğurluğu, qanunsuzluq” adlandırıb.
Onun fikrincə, R.Abbaslının həbsinin əsl səbəbi partiyanın fəaliyyəti, onun ölkə daxilində və xaricdəki tərəfdarları barədə məlumat almaqdır.—06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz