Bakı/27.01.20/Turan: AXCP sədri Əli Kərimli 14 il ərzində ona xarici pasport verməkdən imtina etdiyinə görə DİN-i məhkəməyə verib. İşə Bakı İnzibati Məhkəməsində baxılacaq.
Ə.Kərimli cavabdeh kimi DİN Pasport, Qeydiyyat və Miqrasiya İdarəsini, həmçinin üçüncü şəxs kimi Azərbaycanın Avropa Məhkəməsi yanında səlahiyyətli nümayəndəsi Çingiz Əsgərovu cəlb edib.
2006-cı ildən Ə.Kərimlyə pasport vermirlər və bəhanə gətirirlər ki, 1994-cü ildə ona qarşı cinayət işi açılıb və indiyədək bağlanmayıb. Halbuki, bundan sonra iki dəfə parlamentin deputatı seçilib, dəfələrlə xarici pasport alıb, o cümlədən 2 dəfə diplomatik pasport alıb.
2015-ci ildə AİHM Ə.Kərimliyə qarşı Avropa Konvensiyasının 2-ci protokolunun 2-ci maddəsinin (hərəkət azadlığı) pozulduğunu tanıyıb, hökumət isə Strasburq Məhkəməsinin Böyük Palatasına apellyasiya verməyib.
Ə.Kərimli İnzibati Məhkəmədən DİN-in ona pasport verməsi barədə qərar çıxarmasını xahiş edir. İşə hakim Elvin Əliyev baxacaq. -06D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz