Prezident İlham Əliyev
Əliyev və Ərdoğan Bakı ilə İrəvan arasında münasibətlərin normallaşdırılmasını müzakirə ediblər /YENİLƏNİB/
Bakı/25.02.23/Turan: Türkiyə və Azərbaycan prezidentləri Ərdoğan və Əliyev şənbə günü İstanbulda qapalı danışıqlar aparıblar.
Türkiyə Prezidentinin mətbuat xidmətinin məlumatına görə, İlham Əliyev Türkiyədə baş vermiş dağıdıcı zəlzələlər nəticəsində çoxsaylı insan tələfatı ilə əlaqədar başsağlığı verib və həmrəylik diləyib.
Öz növbəsində Azərbaycan Prezidentinin mətbuat xidməti məlumat verib ki, söhbət zamanı Azərbaycan ilə Türkiyə arasında siyasi, iqtisadi, ticarət, enerji, hərbi və hərbi-texniki sahələrdə əməkdaşlığın perspektivləri və daha da dərinləşdirilməsi müzakirə olunub.
Dövlət başçıları Ermənistanla Azərbaycan arasında münasibətlərin normallaşması və sülh gündəmi ətrafında da fikir mübadiləsi aparıblar.
Həmin gün axşam İlham Əliyev Bakıya qayıdıb. -02B-
* * *
2023 Fevral 25 (Şəmbə) 14:13:31
İlham Əliyev Türkiyəyə işgüzar səfərə gəlib
Bakı/25.02.23/Turan: Fevralın 25-də prezident İlham Əliyev Türkiyəyə işgüzar səfərə gəlib.
İstanbulun Atatürk Hava Limanında onu XİN başçısı Mevlut Çavuşoğlu qarşılayıb. Bu barədə dövlət başçısının mətbuat xidməti məlumat yayıb.
Səfər proqramı açıqlanmır. 0
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz