Əliyev və Maduro birgə investisiya layihələri müzakirə ediblər /YENİLƏNİB/

Bakı/17.06.22/Turan: Azərbaycan və Venesuela prezidentlərinin görüşü zamanı ikitərəfli münasibətlərin inkişafı, həmçinin Qoşulmama Hərəkatı da daxil olmaqla, müxtəlif beynəlxalq təşkilatlarda qarşılıqlı fəaliyyət məsələləri müzakirə olunub.

Maduro qeyd edib ki, Venesuela Ermənistan-Azərbaycan münaqişəsinin Azərbaycanın ərazi bütövlüyü çərçivəsində həllinə tərəfdardır.

Prezident Əliyev qeyd edib ki, münaqişə həll olunub və Azərbaycan ədaləti, beynəlxalq hüququ və ərazi bütövlüyünü bərpa edib. Dövlət başçısı onu da deyib ki, Azərbaycan və Venesuela bir-birinin suverenliyini və müstəqilliyini həmişə dəstəkləyib və dəstəkləyəcək.

Söhbət zamanı iqtisadi sahədə əməkdaşlığın və işgüzar dairələrin qarşılıqlı fəaliyyətinin genişləndirilməsinin vacibliyi vurğulanıb. Bununla əlaqədar vurğulanıb ki, birgə investisiya layihələri və birgə müəssisələrin yaradılması kimi məsələlərin müzakirəsi böyük əhəmiyyət kəsb edir.

Görüşdə həmçinin hər iki ölkənin OPEK+ formatında uğurlu fəaliyyəti qeyd olunub.

Dövlət başçıları qarşılıqlı maraq doğuran digər məsələləri də müzakirə ediblər. 06D

*   *   *

2022 İyun 17 (Cümə) 14:18:17

Nikolas Madura COVİD-19-a yoluxub?

Bakı/17.06.22/Turan: Cümə günü prezident İlham Əliyev Bakıya işgüzar səfərə gələn Venesuela prezidenti Nikolas Maduro ilə videokonfrans rejimində görüşüb.

Azərbaycanın dövlət başçısının saytındakı məlumatda bildirilir ki, videokonfrans formatında görüşün səbəbi Venesuela nümayəndə heyəti üzvləri arasında COVID-19-un aşkar edilməsidir. Digər təfərrüatlar açıqlanmır. 06D