Bakı/16.10.17/Turan: Azərbaycan və Ermənistan XİN başçıları və ATƏT-in Minsk Qrupunun həmsədrləri İlham Əliyev və Serj Sarkisyanın bugünki Cenevrə görüşünün yekunlarına dair birgə bəyanat yayıblar.
Məlumatda deyilir ki, iki ölkə liderinin görüşündə Azərbaycan və Ermənistan XİN başçıları Elmar Məmmədyarov və Edvard Nalbandyanla birlikdə ATƏT-in Minsk Qrupunun həmsədrləri - İqor Popov (RF), Stefan Viksonti (Fransa) və Endryu Şofer (ABŞ) və ATƏT-in fəaliyyətdə olan sədrinin şəxsi nümayəndəsi Andjey Kaspşik də iştirak edib.
Görüş "konstruktiv şəraitdə" keçirilib.
Prezidentlər danışıqlar prosesinin intensivləşdirilməsi və təmas xətti boyunca gərginliyin azaldılması üçün əlavə addımlar atmağa razılaşıblar.
Həmsədrlər uzun fasilədən sonra baş tutan danışıqlardan məmnunluqlarını ifadə ediblər.
Onlar Dağlıq Qarabağ münaqişəsinin sülh yolu ilə həlli üçün tərəflərlə işi davam etdirməyə hazır olduqlarını bildiriblər.
Növbəti addım kimi yaxın günlərdə həmsədrlərin XİN başçıları ilə görüşünün keçirilməsi nəzərdə tutulur. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz