![Zelensky və əliyev Brüsseldə](https://turan.az/resized/media/2022/main/011400043566-750-500-resize.webp)
Zelensky və əliyev Brüsseldə
Əliyev Zelenskinin dəvətilə Kiyevə gedir
Bakı/14.01.21/Turan: Bu gün Azərbaycan prezidenti İlham Əliyev Kiyevə işgüzar səfərə gedir.
Əliyev Kiyevə prezident Vladimir Zelenskinin dəvətilə gedib. Dəvət dekabrda Brüsseldə Avropa İttifaqının “Şərq tərəfdaşlığı” sammiti çərçivəsində görüş zamanı edilib.
İcmalçılar qeyd edirlər ki, Əliyevin səfəri müstəqilliyin ilk günlərindən iki ölkə arasında yaranmış müttəfiqlik münasibətlərini möhkəmləndirəcək.
Görüşün diqqət mərkəzində Ukrayna ətrafında böhranın olacaq ki, bu da Moskva və Kiyev arasında gərginliyin yeni dalğasından qaynaqlanır.
Elə həmin vaxt Brüsseldə Zelenski Əliyevə fevralda Kiyevdə Türkiyə prezidenti Ərdoğanın iştirakı ilə sammit keçirməyi təklif edib.
Ukraynanın liga.net nəşrinin məlumatına görə, Brüsseldə Zelenski Ukraynanın suverenliyini və ərazi bütövlüyünü dəstəklədiyinə görə Əliyevə təşəkkür edib və qanunsuz saxlanılan şəxslərin azad edilməsi prosesinə qoşulmaq xahişilə müraciət edib.
"Rusiyada qanunsuz saxlanılan Ukrayna vətəndaşlarının, ilk növbədə, Krım tatarlarının azad edilməsi məsələsi mənim əsas prioritetlərimdən biridir. Bu məsələnin irəliləməsində mümkün köməyə görə sizə minnətdar olaram", –Zelenski deyib.
O, ölkələr arasında ikitərəfli əməkdaşlığın aktivləşdiyini qeyd edib və xatırladıb ki, 2022-ci ilin fevralında Ukraynanın Azərbaycan və Türkiyə ilə diplomatik münasibətlərinin qurulmasının 30 illiyi qeyd olunacaq. Bunu nəzərə alaraq, prezident fevralda Kiyevdə üç dövlət liderlərinin iştirakı ilə sammitin keçirilməsini təklif edib.
Həmçinin Zelenski ölkələr arasında nəqliyyat-logistika potensialına, əsasən dəmir yolu və dəniz nəqliyyatından istifadə olunmaqla Avropa-Qafqaz- Asiya marşrutu üzrə yüklərin tranzitinin aktivləşdirilməsinin vacibliyinə diqqəti yönəldib.
29 noyabr 2021-ci ildə Ərdoğan Ukrayna sərhədləri yaxınlığında Rusiya qoşunlarının fəallığı fonunda Ukrayna və Rusiya arasında öz vasitəçiliyini təklif edib. Rusiya imtina edib.—0
-
- Siyasət
- 14 Yanvar 2022 12:09
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz