![E.Məmmədyarov: Yekun sənəd təhlükəsizliyə xidmət edəcək](https://turan.az/resized/750/500/resize/media/2018/main/040600009102.jpg)
E.Məmmədyarov: Yekun sənəd təhlükəsizliyə xidmət edəcək
Bakı/06.04.18/Turan: "Bu iki gün ərzində biz Qoşulmama Hərəkatını (QH) maraqlandıran və birgə narahatlıq doğuran mövcud, yeni və meydana çıxmaqda olan məsələləri müzakirə etdik". Azərbaycan xarici işlər naziri Elmar Məmmədyarov bunu aprelin 5-6-da Bakıda keçirilən "Davamlı inkişaf naminə beynəlxalq sülh və təhlükəsizliyin təşviq edilməsi" mövzusunda Qoşulmama Hərəkatı çərçivəsində xarici işlər nazirlərinin aralıq nazirlər konfransındakı yekun nitqində bildirib.
E.Məmmədyarov deyib ki, dünyadakı böhran, təhdid və çağırışlar dövlətlərin iqtisadi inkişaf, təhlükəsizlik, insan hüquqları, qanunun aliliyi kimi dəyərlərdən istifadəsinə əngəl yaradır.
Nazir bildirib ki, Hərəkat büün bu hallara prinsipial mövqe sərgiləyib. "Biz bir daha təsdiq etdik ki, beynəlxalq münasibətlərin subyektlərinin hamı tərəfindən qəbul edilmiş beynəlxalq hüququn norma və prinsiplərinə laqeyd yanaşması ciddi narahatlığa və qınağa səbəb olan məsələdir.
Biz əminik ki, Bakı Nazirlər Konfransının yekun sənədi beynəlxalq təhlükəsizliyə, əməkdaşlığa töhfə verəcəkdir".
E.Məmmədyarov növbəti sədri kimi Azərbaycanın Hərəkatı daha da gücləndirəcəyini söyləyib.
Nazir əminliyini bildirib ki, qəbul edilmiş yekun sənəddə də təsdiqləndiyi kimi, Hərəkat sülh, sabitlik, inkişafa nail olmaq kimi birgə istəyini birləşdirəcək. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz